"إنتِ بتستقبلي الإلهامات الإلهية من خلال التأمل، إنتِ سريعة التجاوب والتفاعل، إنت بتسمعِ لقلبك، إنتِ شخص حساس وصادق"
"إنتِ شخص منصت، ما تتصنعين الإنصات لا، إنتِ بطبيعتك بتسمعين للشخص الي قدامك"
"إنتِ شخصية ملهمه وبتلهميني، طموحه وتحديتِ الظروف الي حوالينك، إنتِ قدوة"
" إنتِ تقدري تتقوقعي على نفسك عشان تحميها، وفعلا بتحميها، لكن بتحرمي نفسك من مشاعر الناس، مشاعر الناس الإيجابية والسلبية، وهذا الشيء مش صح"
"الإنفتاحية رائعة، حلو إنك تكونين منفتحه على العلاقات، وتكونين إنتقائية في العلاقات القريبة منك، الإنتقائية مش في العلاقات، الإنتقائية تكون في القرب منك، والإنكشاف أمامها، وترى الإنفتاح على العلاقات للناس الي ما يعجبونك هم ممكن يوصلونك للعلاقات الإنتقائية الي تكون قريبة منك، بس قبل تنفتحي على العلاقات لازم تكونين مأمنه نفسك، تكونين عارفه طالما إنك قررتي تنفتحين على العلاقات، إنك حتقابلين ناس مختلفه عنك، ناس فيها قصور، وحتواجهك مواقف لازم تكونين عارفه كيف تتعاملين معاها، إذا صار كذا لازم تسوين كذا! وتكونين عارفه إنو إنتِ كمان فيكِ قصور، وإننا بشر، وترى مافيه شيء ينضج الإنسان نفس العلاقات، عموما إنتِ بعمر صغير لسا، وفي هذا العمر تجربي أشياء كثير، وتبطلي، وتتعلمي، ووعيك على سنك حلو ماشاء الله تبارك الله، وعارفه نفسك كويس"
" أحب دائما بعلاقاتي يكون فيه حوار وأسئلة، أيش أفكارك عني؟ أيش مشاعرك تجاهي؟ أيش تفسيراتك للأحداث الي تصير بيننا؟ ونصحح لبعض، عشان العلاقة تبقى فريش وحلوه، ماتكون ممله ومبنيه على أشياء غلط"
" إذا إنتِ فعلا تسمعِ لنوف حكيم وعجبك كلامها، فأهنيكِ جدا على مستوى الوعي الي إنتِ وصلتِ له"
" إنتِ تدرين الكلام الي إنتِ تقولينه إحنى ندرسه للطالبات في المدارس عشان تكون عندهم صحة نفسية؟"
"لا قوة الا بالله سردك جميل جداً ، أثر فيني"
