بعكد الفلاحات ببغداد ’’جان اكو حرامي مشهور جدا’’’

اسمه سربوت الشقي’’جان يبوك الاغنياء وحتى الفقره’’’

لايخاف ولايستحي ’’كل الناس تهابه وتتجفى شره ’’’

وفنه اليندك بيه ’’’وفنه اليحاجيه ’’

وجان من يطب للسوك ’’كل الكصابين والبكالين ’’

والبزازين ’’والخياطين ’’والحدادين ’’والنجارين ’’

يوكفون على حيلهم ’’ويطكوله تحية ’’

وجان بالفلاحات تاجر جبير ’’اسمه ابو بدرية’’’

يجيب بضاعة من الهند ’’ويبيعها بسوك الشورجة ’’’

ومرة من المرات سمع سربوت الشقي ’’’

انو هذا التاجر ’’راح للهند يجيب بضاعة مناك ’’

وعاف زوجته وبتها الرضيعة ’’والخدامة بالبيت ’’

وكال هاي فرصة جبيرة ابوك القاصة مالت ابو بدرية’’

واصير زنكيل كولش ’’واهج من الفلاحات ومن بغداد ’’

واروح اعيش بمصر ’’وبالذات بالقاهرة ’’

بلكت تنعجب بيه سهير رمزي’’لو مديحة كامل ’’

لو نجوى فؤاد ’’واتزوج وحده منهن ’’

وبنص الليل ’’نط سربوت الشقي ’’

من الشباج ’’وقبل ما يوصل لغرفة ابو بدرية’

سمع زوجة ابو بدريةاتسولف ويه الخدامة ’’

وتكللها اذا كبرت بنتي بدرية وصارت عروسة ’’

ما ازوجها الا لسربوت الشقي ’’

زلمة بيه سبعين حظ ’’وما كو مثل رجولته ’’’

كللتلها الخدامة ’’معقولة تزوجين بنتج اللي ابوها تاجر مشهور ’’

وكل اهل بغداد يحلفون براسه الهذا الحرامي السربوت ’’

جان تكول ام بدرية ’’اني اقنع ابو بدرية ’’’علمود هم فلوس ’’

وهم عدنا نسيب يحمينا من مصايب الدنيا ’’

كالت الخدامة ’’منو يكول سربوت الشقي يقبل يتزوج بدرية ’’

جان تكول ام بدرية ’’والله اجره من راسه واسحك على شاربه ’’

هذا الكواد ’’هو يلكه احسن من بنتي يتزوجها ’’’

هنا ’’’صعد الدم براس سربوت الشقي ’’

واهتزت شواربه اللي جنها مسحاة صينية ’’’

ودفر باب الغرفة ’’’وضرب ام بدرية والخدامة ’’

الا ان كام يضرطن من الوجع ’’

وبعدين كمش يدرية وفل كماطها ’’وركعها موس’’

من ركبتها الصرتها ’’وشرد من الشباج ’’

وهو يلعن ذيج الساعة اللي طب بيها لهذا البيت ’’’’’

وره خمسطعش سنة اجه شيخ مبخوت للفلاحات ’’

وسمع بسوالف سربوت الشقي’’

وبليل راح البيته ’’فتح الباب ’’’

فكله الشيخ اني رجال متيه ’’وهلي بعيدين ’’

واريدن انام يمك بس هلليلة ’’

سربوت الشقي ’’’صفن على الشيخ ’’

وبعدين كله تفضل نام بحجرتي ’’’

وظل عبود الليل كله كاعد بالطارمة ’’’

يسمع الشيخ يصلي’’

ويقره قران ’’

يصلي’’

ويقره قران ’’

بعد ساعة طب عليه وساله ’’’

شيخنا انت اتصلي هوايه وتقره قران هوايه ’’

كله الشيخ من جنت شاب بكدك جنت شقي ’’

وحرامي ’’وسلاب ’’’وما خليت دكه ناقصه ما سويته ’’

وفد يوم بالحلم شفت روحي معلك بالمشنقة ’’

والنار تحرك بيه من كل صوب ’’

بهل الثناء مر بيه رجال بوجه نوراني ’’’

فسالته اني ليش هيج كاعد اتعذب ’’

فكال انت اذيت هواي عالم بالدنيا ’’’

وهاي جزاتك ’’عذاب ابدي بنار جهنم ’’

فزيت الصبح ’’وركضت للجامع ’’

وسولفت لشيخ الجامع عن حلمي’’

فكللي لازم من اليوم تعيف العربدة والسكر’’

واذية الناس ’’وتكوم تصلي وتصوم وتقره قران ’’

حته الله يتوب عليك وتنجو من العذاب’’’

صفن سربوت الشقي ’’’

وظل الليل كله يفكر بكلام الشيخ ’’’

وبعد يومين ضجت الفلاحات ’’

بين الصدك والجذب ’’

من الناس شافت سربوت الشقي ’’’

يصلي ويقره قران ’’بجامع شيخ بشار ’’’

وكام ما يفوت صلاة الفجر ’’

وبعدين يروح يشتغل حمال بالشورجة ’’

ويوم من الايام صاح عليه ابو بدريه ’’

علمود ينزله بضاعته للمحل ’’

ومن شاف قوته ورجولته ’’

كله تعال اشتغل يمي يومية ’’

وانطيك جد زين يكفيك وتضم منه ’’’

فرح سربوت الشقي’’

وكام يشتغل ويه ابو بدرية يومية ’’

ومرت سنة وسنتين ’’’

وساله ابو بدرية -انت ليش ما تزوج ’’

دنك سربوت للكاع ’’وكله عمي منو تقبل بيه ’’’

جان يكله ابو بدريه تعال وياي ’’

راحوا للدلال اشتراله بيت ’’وترسه غراض’’’

وكله يوم الخميس الجاي ’’راح تجيك مرة معدلة ’’

وفعلا اجتي زفة جبيرة ’’وطببوا العروسة ابيته ’’

وراحوا ’’ومن نزعت العروسة ملابسها ’’

سربوت شاف شخطة موس بجسمها من ركبتها لحد صرتها’’’

ضحك ’’وكال الماردته بالكوه صار علي بالكوه ’’’’’’’’’’’’’’’’