الممبار
🌹المكونات🌹
ممبار مغسول ونظيف
ارز مغسول ومتصفى
بصل
طماطم
خضره بقدونس وشبت وكسبرة
صلصه
زيت مهم جدا فى الحشو
فلفل حار
التوابل
ملح وفلفل اسود وكمون وكسبره وببريكا وسبع بهارات
🌹 الطريقه 🌹
نقطع البصل مفروم
والطماطم مكعبات صغيره وتضيف عليهم معلقين كبار صلصه الزيت مهم علشان لما نحشى يسهل الموضوع شويه ونضيف التوابل والخضره ونقلب كويس جدا جدا
نضيف عليهم الارز ونقلب كويس جدا
كدا الحشو جاهز نى فى نى
نحشى الممبار ومش بنحشى كتير اعملى حسب لما يستوى الارز علشان ميضربش منك فى المياه
عند السلق
المياه تكون بتغلى ونحط فيها بصله وطماطم مقطعين
لما تحطى الممبار فى مياه السلق متحطيش كتير
ومتقليبش بشوكه علشان ميتخرمش والارز يطلع منه
اول مايستوى سيبه يهدى
ويتحمر فى زيت ساخن عميق
واول ما يطلع من الزيت حطى عليه شويه ملح وفلفل وكمون وكسبرة
هتفرق كتير فى الطعم والرائحة وبالهنا والشفا 🌹🌷🌹
