زمان ، كنت تقدر تبحث بين عشرات ملايين الكتب .. كنت تقدر تقرا كل كتاب انت عايزه ، تقدر تشوف محتويات الكتب وتشاركها وتقتبس منها ، كانت مكتبة الاسكندرية مليئة بمجلدات العلوم وقتها ، قبل الميلاد بربع قرن تقريباً .. ولما اتحرقت مكتبة الاسكندرية اتقال إن " احتراق مكتبة الاسكندرية فاجعة عالمية "
- بس جوجل فكّر زى ما كتير فكّرو .. ازاى يعمل مكتبة عالمية يحمى فيها الكتب من الضياع والحرق .. عشان كدا بدأ يبذل جهد عالى فى " مشروع المحيط " كان كل هدفه مسح كل كتاب فى العالم ضوئياً فى أوائل 2002 ، قعد لارى بيج (مؤسس جوجل ) وماريسا مير(أول مهندسة في جوجل) فى مكتب مع كتاب من 300 صفحة عشان يحسبو الوقت اللى يقدرو يمسحو فيه كتاب ضوئياً ، لقو إن تصفح الكتاب من الغلاف للغلاف محتاج 40 دقيقة
- فى عام 2002 اتجه لارى بيج لجامعته ( الرائدة عالمية فى المسح الضوئي ) ، كان عايز يعرف منهم في قد ايه يقدرو يعملو مسح ضوئى لمكتبتهم ، اللى هى 7 مليون كتاب ! ، قالوله يقدرو يعملولها مسح ضوئى فى خلال تقريباً ألف عام ! ، رد عليهم إنه يقدر يمسحهم ضوئياً فى 6 سنوات فقط بواسطة جوجل .. فعرض عليهم إنهم يعيروه الكتب ومقابل دا هيديهم نسخة ضوئية منها ، وجوجل هيكسب مدخل كبير للكتب
- العربيات كانت بتتحمل كتب وتقف قدام مراكز المسح بتاع جوجل ، لو جينا نبص جوا المركز هنلاقى إن كل ساعة بيتمسح 1000 صفحة ضوئياً ، مهنة العمال هناك هى تقليب الصفح وتشغيل الكاميرات للمسح الضوئي ، كان معاهم 50 مهندس برمجيات ، طورو نظام الصور إلى كتابة نصيّة ، وطورو خوارزميات للتعرف على الصور والرسوم البيانية فى الكتب ، وحاجات تانية لاستخراج رقم الصفحات وتحويل الهوامش لاقتباسات ، دا كان أول مشروع يوصفه جوجل إنه " رمية بعيدة " ، دا كان قبل مشروع السيارة ذاتية القيادة
بعد عقد من الزمان قدر جوجل يمسح 25 مليون كتاب ضوئياً ، والموضوع دا كلّفه 400 مليون دولار ، فى اغسطس 2010 نشر جوجل إنه يقدر يمسح 129.864.880 كتاب ضوئياً ، بطبيعة الحال .. تأتى الرياح بما لا تشتهيه السفن ، سمع المؤلفون والناشرون بالخبر دا ، فرفعوا دعوى قضائية ضد الشركة وقالو إنه " انتهاك صارخ لحقوق الطبع والنشر " ، بعد كام سنة أدرك المؤلفين والناشرين إن فى حل وسط ممكن يرضى الطرفين ، وممكن جوجل مكانش بيسرق مجهود وشغل حد أصلاً ، بس كان بيمنحه حياة جديدة
- ممكن يكون google books زى جهاز الفيديو بالنسبة للأفلام اللى خرجت من دور العرض ، ف هو بيحتفظ بالكتب اللى متوقف طباعتها ، لو دا فعلاً صح .. ليه تمنع جوجل إنها تعمل كدا ؟ فى الحقيقة كنت هتشجعها إنها تعمل كدا أصلا ، بل وإنك هتشجعهم يبيعو الكتب دى كنسخ رقمية .. مش مجرد يعرضو مقتطفات من الكتاب، بتتلخص الفكرة إنك مستقبلاً تقدر تحدد من أى كتاب اقتبس جزء ما من كتاب
- ايه الفايدة من جوجل لما يوفر لينا مقتطفات كتب قديمة ، لو جوجل كسب القضية .. المؤلفين والناشرين مش هيستفيدو ادنى استفادة ، والقرّاء مش هياخدو غير مقتطفات من الكتب ، أما بخصوص الكتب المتوقفة طباعتها عدم وضوح اللى بيمتلكها أكتر ، إن كان مؤلفين أو ناشرين ، الجدير بالذكر إن نص الكتب المنشورة من 1923 ل1963 ملك للعامة ، بس الفكرة إننا مش عارفين أنهى نص اللى ملك للعامة !
- انتهت القضية باتفاقية "تسوية بحث كتب جوجل المعدلة " ، اللى جت فى اكتر من 165 صفحة ، فى النهاية اتورط جوجل بدفع 125 مليون دولار .. جزء لاصحاب حقوق الكتب وجزء للناشرين وجزء لإنشاء سجل
- وفى النهاية محتاج افكرك إن فى مكان ما من قواعد بيانات جوجل فى 25 مليون كتاب ،مكتبة مركزية للعالم غير مسموح لأحد قراءتها ، حجم الكتب بيتراوح من 50 إلى 60 بيتا بايت( 50 مليون : 60 مليون جيجا ) ، واللى يقدرو يشوفوها هم 6 بس وهم ال6 مهندسين المشرفين على المشروع دا ، موضوعين فى هارد نقدر نحطّه على سطح المكتب.
=
