بتحب اللون الأزرق ؟
طب إيه علاقة اللون الوردى بالبنت ؟
طب ليه الناس دى بتحب اللون الأزرق ؟
فى دراسة تمت فى جامعة نيوكاسل ، المملكة المتحدة، عملو اختبار على 171 شخص بريطانى بالغ، وغيرهم مجموعة من المهاجرين
فكرة اختبار المجموعتين هى لو كانت الثقافة والتنشئة بتأثر على اختيار وحب الشخص للون ما
- وزى ما توقع مؤلفو الدراسة ، لقو إن اللون المفضل للجنسين هو اللون الأزرق ( فى الغالب) ، وبعد ما عملو مقارنات كتيرة لقو إن الراجل بيحب الأزرق النقى ، والستات بتميل للأزرق مع الوردى
- وبعض المشاركات الستات اللى نشئو بدون ألعاب تجارية ( زى باربى مثلاً) بيميلو للون الوردى أكتر من غيرهم اللى نشئو على ألعاب تجارية ، عشان كدا لقو إن تفضيل المرأة للون الوردى أمر طبيعى ، وممكن يكون فى عوامل وتأثيرات تانية كتيرة على القرار دا .. بخلاف الألعاب التجارية
- بس ليه بيفضل أغلب الناس اللون الأزرق ؟ ف مؤلفو الاختبار شافو إن دا ممكن بسبب حاجات قديمة ، لما نرجع لأيام السافانا .. هيكون عندنا تفضيل طبيعى لسما زرقا صافية ومية نقية .. لان الازرق الصافى فيهم بيدل على الطقس الجيد ومصدر المية الجيد
ف انت بتحب الأزرق ولا الوردى ؟
