المواد الإباحية بعد سنوات من مشاهدتها تكون ذكريات كثيرة تسيطر على جزء كبير من الذاكرة👈 لذلك تكون جداً قوية في بداية طريق التعافي😣، وعشان نضعف هالشي لازم ولازم ولازم نتجاهل هذه الذكريات لفترة طويلة☝️، اشوي اشوي ومثل أي ذكريات ثانية راح تتلاشى هذي الذكريات😃.

حتى أجمل الذكريات 🏞 الواحد ينسى تفاصيلها على الأقل بعد مدة وما يبقى إلا القليل☹️ وما يتذكرها إلا لو جا شي يحفزها؛

مثال: لو كان عندك ذكرى مميزة مرتبطة بمكان أو زمان 👈طول ما انت مستمر بالذهاب لهذا المكان راح تظل تتذكرها دايم وما تنساها أو تنسى تفاصيلها بسهولة "اللي تسويه انت انك تستمر بتحفيزها وعدم إضعاف هذه الذكرى"، 👈أما لو تجاهلت الذهاب لهذا المكان "أوقفت المحفز☝️" راح تنساها بعد فترة☝️.

مثال آخر: تأثير الهدية🎁🌹؛ طول ما انت تشوفها ما راح تنسى الذكرى المرتبطة بها مهما طال الزمن👵🏻.

"على طاري الهدية🙊؛ دعواتكم لي أكبر هدية لا تنسوني في دعائكم😇🌹"

نفس الشي مع الذكريات الإباحية🤓☝️؛ 👈طول ما انت تشاهدها وتحفزها راح تظل وتقوى☹️ أما لو تجاهلتها راح تنساها👌🤗، ولأن الأعصاب ما راح تظل فاضية من بعد ما تروح هذه الذكريات؛ 👈راح تلاقي ذكريات ثانية قاعدة تتكون مكانها من اللي يحصل لك خلال فترة مقاطعتها😇👊.

اللي قبل يفسر شيئين✌️😁؛

الأول: هو ليه الواحد بعد تركها تقوى ذاكرته🤔، يعني أنا شخصيا صار سهل علي أتذكر معظم اللي صار في يومي بل وحتى جزء كبير من أمسي وهذا الشي مفيد في نواحي أخرى، مثلاً مستواك الدراسي أكيد راح يتحسن🤓 وإنجازك وتركيزك في عملك راح يتطور وراح تلاقي نفسك مبدع أكثر في شتى مجالات الحياة 😎😇✌️

👈والدليل على هالكلام هو إن هالشي مشترك في كل تجارب الناجحين اللي قرأت أنهم تركوها😇.

الثاني: هو ليه الأفكار تضعف🤔، والسبب أصبح واضح بعد فهم اللي قبل؛👈 كلما ضعفت الذكريات ما راح يكون في فرصة للأفكار أنها تظل معاك وتعذبك لأنك جففت منابع الأفكار اللي أساسها الذكريات، ومهم إن في بداياتك بالذات ما تتعرض لصور أو مقاطع جديدة لأن مشكلتها إنها بتكون ذكريات جديدة عنها وأيضاً بتخليك تتذكر القديمة اللي لسى انت ما نسيتها بالكامل😷.

نصيحة أخيرة للطلاب والطالبات:

موسم الدراسة قرب وهو فرصة ممتازة للتجاهل ونسيان الذكريات القديمة لأن وقت الفراغ فيه يقل، هالفرصة لا تفوتوها وتراها بتخليكم أقوى في مواجهة الإباحية لما تجي الإجازة لأن بيمديكم تنسوا هالذكريات أو على الأقل تضعفوها وتضعف بعدها أفكارها، لا تفوتوها يا أبطال💪💅🏻.

ختاماً: زر حسابي في تويتر @arabcaser ففي قائمة الإعجابات الكثير مما قد ينفع في ترك الإباحية🤗

                  {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ}

                  🙌أسألك يا رحمان المخرج من هذه الآفة والرزق بعدها🙌

انتهى✍🏼...