في ريحه ليوم الجمعه
وريحه للدراسه اللي بتبان في شهر ٩ ريحه كتب كده هي ريحه مميزه
وفي ريحه لاسكندريه لما بتروح بعد سنه كنت قاعدها في التراب في بلدك
وريحه لاسماعيليه لما روحك بتشتاقلها بتحس انك رجعت بيتك
وريحه لرمضان اللي بتبان مع اول صلاه تراويح
كل الروايح دي حوالينا وبتبان بس المشكله ان التمييز ده عندنا بيوقف بسبب الضغوط النفسيه سواء من حاجه مبتحبش تعملها او بسبب البعد عن ربنا
زمان امي قالتلي جمله حلوه اوي
زي مبناكل علشان نغذي جسمنا في حاجه اسمها غذاء الروح وهي الصلاة
بس المشكله اني ملتزمتش بردو
الحياه اتغيرت زمان كان اليوم مفيهوش فيس ولا تليفزيون ٨ ساعات كنت بقعد العب بالمكعبات او الميكانو الحديث وبقيت اليوم مع اخواتي وبابا وماما
من المشاكل و المميزات
الالتزام احب اعمل الحاجه من اولها لاخرها صح لو طيرت يوم اكروتها كلها
دي المشكله اللي قابلتني في الصلاه والمذاكره
انا فاكر حاجه غريبه زمان لما ماما كانت تصحيني للمدرسه كنت بسمع صوت بيدايقني صوت هارمونيكا غبي كده كان بيحسسني بتعب نفسي ضد المدرسه والصحيان بدري كنت بحس الصوت ده جاي من بيت حد من جيرانا بس معرفتش هو بيجي منين
طب هو زمان اوي بقى اليوم كان عباره عن ايه ايام جدي مثلا
