- كيفك ؟
- كيفني برأيك ؟
أو بتعرف بلا ما تعقّد الإجابة بفزلكتك ع ولا شي
ماشي أنا والحال
- ايه ، شو باك لسّا عم نسأل كيفك ..
شو باك بترعبر علينا ؟
- ما إنت ما بتيجي إلا لتهز بدني ، والبلد كلا مهزوزة
مش وقتا (ث) سقالتك
- بما إنو عم تحكي عن الهز ، شو رأيك بكتر الفز ؟
- ولاه جدبه ، شو باك عم تخففو لدمك ؟
- احكيلي عن رأيك بالرد الإيراني ؟
- اوه ، هلا خود رد ، ورد ع رد ، ورد ع ردو
وقال عم بيقولوا بتصفي حرب تراشق
وهالضجة الإعلامية ع شي بلا طعمة بتصفي
- ليك سمعتلك المنطقة على صفيح ساخن !
متى بتستوي المنقوشة ؟
- شوف لك عمي ، التصريح وحده مهما بلغت حرارته غير قادر على اطلاق صاروخ واحد وازا بدك على فعل حرب
- شو عميق !
- ولاك يلعن ديبك ، عم تتخوت ؟
ببالك إنت أمريكا بترضى يكملوا بهيك حرب
تلقي فيهن للهاوية ؟
ع شو عم بحكي معك ما أنت بالهاوية
و مبسوط الأمريكي والفرنسي والانجليزي عم يلعبوا عليك
- ليك يا خي خدني بحلمك شي مرة ، معش تقدر تستوعبني ؟
- ليك بضيق خلقي بضيق
وبضيق تينقطع النفس
- ولو خي خدلك نفس ؟
- ليك معش فيّ !
- خي قوم فوت نام وحلام انو بلدنا صار بلد
- ايه ، عرفناك بزياد صرت عم تعطينا رحبانيات
- ايه ما الصبي بيكبر وبيعرف
-ولاك روح لا ترجع يلعن ديبك ملا حيوان
