لا تاقف ب هقواتك على اخر حدود الشوف
طموحك سقه ف الكون من طوله لـ عرضه
لا تكسر بخاطر خاطرك ثم يجي مكسوف
و لو ما تنول الحلم ب محاولات أرضِه
إليا انكفت عن رغبات بالك لحقك حسوف
و لو تقترض بنك الصبر ما نفع قرضه
شموخك إليا اخلفه الزمن ماهو ب مخلوف
تمسك مثل مايمسك الدّين ب عرضه
ابنَ داخلك لـ احلامك العاصيات رفوف
لا تضعف و تصبح للبشر كلها عرُضه
لو يخيرونك ف الذهب خل عندك نوُف
لا ترضى تعوّد نفسك لـْ كل معترضه
لا تستفزع ف حلمك ولا تتركه مكشوف
و لا تعتمد إلا على اللي بسط أرضه
و لا تشره على اصحابك بحلمك محد مكلوف
بعضهم منه وقفات الاصحاب منقرضه
ما كل السيوف ترد الاعدا لو انها سيوف
ترى بعضها ماغير لـْ اللعب و العرضه
