- شو باك صافن بالحيطا ؟
- ما شي ، دخلك ازا مسكتا للنّاي وقعدت ألعي بتسمعني ؟
- ايه ، بسمعك بس لا طولا لنغمتك
- ما يهمك ، دخلك هلأ بالعلاقات ما المفروض كل واحد فينا يكون عم يعرف لوين رايح ؟ ، وما كل الظروف اللي بتكون قبلا لهالعلاقة بضلا موجودة بالعلاقة وبعدا ؟
- ايه هيك المفروض الظروف بتكون وبضل
- عال العال ، ليه لكان بحطوها للظروف علّاقة تينهوا علاقتُن ؟ شو هالتبويئة هيدي يا خي ! و الأنكى من هيدا كلو بحطوك بخانة ما بتحسن تطلع مِنا لإنن بيمسكوك عليّها وما بعودا بدّن يشوفوا إلا الشي اللي هن بدن يشوفوا وعم يكبروا فيك هالشي السيء تيحملوك المسؤولية ، وخود بقى على عقدة الذنب اللي بتمسك فيا ، وهن من البداية خلقوا لسوء التفاهم بين ضياعون وترددهن وصراعن مع حالن
- ليك ، معلش بدي خبرك شي ، اللي بدوا يبعد بكون مقرر من البداي ما يكمل ، ما معقول يكونوا بوعين و ما يكملوا ، هولي جماعة ما ثابتين وما تركن عليهن بشي .
- قولك هيك ؟
- اكيد خي
- لكان بلا من هالحيطا قوم نعزف جيتار