كل يوم بنشوف قدامنا علي السوشال ميديا صفحات لبراندز كتير جدا بتحاول تسوقلنا نفسها ، خدماتها ، منتجاتها ، انشطتها ، وبتحاول توصلنا رسايل كتير قوي عن نفسها في مواقف ومناسبات كتير جدا ..
المحتوي زي ما كلنا عارفين متنوع جدا شكلا ومضمونا ..
لكن تفضل الكتابة هي أسهل وسيلة ( يمكن مش أكتر ، وسيلة فعالة أو مؤثرة ) ، يقدر البراند يعبر بيها عن نفسه ..
لما تيجي تقرا وتدرس عن المحتوي كعلم واللي إسمه الContent Marketing وهو من أهم وأجمل العلوم حاليا ، هتلاقي دايما بادئ ليك بإنك تتعلم الكتابة مش بادئ مثلا بإزاي تعمل فيديو ..
لازم تعدي علي مرحلة الكتابة ..
تخيل كده اهميتها .. إن حتي الفيديو مابيطلعش إلا لما يتكتب ليه سكريبت بيقول إيه اللي المفروض هيتقال وهيحصل فيه ..
الكتابة هي الطريقة اللي بنقلك بيها فكرتي ، أو خبرتي ، أو رسالتي ..
في البدء كانت الكلمة .. زي ما بيقولوا ..
أهمية الكتابة من وجهة نظري هتحسها لو إفتكرت النهاردة من أول النهار .. إنت قريت كام حاجه في يومك ، من أول اليفط اللي في الشوارع ، لحد الأخبار وبوستات السوشال ميديا اللي عينك بتقع عليها كل يوم ..
لو إتعلمت الكتابة ، هتفتحلك الباب لباقي الحاجات ..
لو جينا للتسويق ، وحبيت تتخصص في حاجه بتحبها لوكان شغفك في الكتابة هتلاقي الcontent marketing و الcopy writing مستنينك علشان تتعلمهم وبيشبعوا الإحتياج ده عندك .. وفي خلال رحلة تعلمك ليهم هتتعلم الماركتينج نفسه ..
أكتر حاجه هتتعلمها من خلالهم هو التركيز علي البني ادمين وفهمهم ، لأنهم أساس الماركتينج ..
في الاخر ..
العملاء بني ادمين من لحم ودم ..
علشان توصلهم .. لازم تكلمهم .. وعلشان تكلمهم لازم تفهمهم ..
وعلشان تفهمهم .. لازم تدرس العلم اللي بيعلمك إزاي تعمل كده ..
روح إتعلم كتابه .. روح إتعلم صناعة المحتوي ..
لو عجبك اللي بكتبه .. وحابب تشجعني أكمل ، أو ليك أي ملاحظات تحب تقولهالي تقدر تبعتلي رساله علي أكونت تويتر وأنا هقراها وهرد عليك ..
احب أسمع رأيك جدا :)
