من اكتر عيوب التكنولوجيا انها بتقضي على احساسك بالسعاده واوعى تفتكر ان الراحه اهم من انك تكون سعيد ايه فايدة انك تخلص كل معاملاتك في ضغطة واحده من ماكينه او موقع اونلاين فين السعاده في كده فين روح المغامرة شوف كل اللي حصلك بس وقتها هو انك خلصت بسرعه انما هل هتكون سعيد؟ للاسف لا لانك بعد تكرار المعامله هتحس انه عادي طيب هتحكي ايه للاجيال اللي جايه ايه البصمه اللي هتسبها انما بقى في حالتنا شوف الرحله واحكم بعقلك لما دلوقتي هتنزل تركب مترو زحمه جدا وريحة العرق حواليك من كل اتجاه ويا سلام بقى على فرحتك لو لقيت مكان تقعد فيه شوف السعاده او لو معاك عربيه ونزلت في الزحمه والمرور ويادوب تلحق تقدم الورق و فجأه تلاقي مكان فاضي تركن فيه شوف السعاده وانك تدخل تلحق الخزينه علشان تسدد الرسوم و يا سلام لو رجعلك الباقي شوف السعاده و لو قالك ورقك مظبوط وهتستلم بعد شهر يااااااه اعتقد انك ممكن تموت من فرط السعاده او يقولك ورقك ناقص وتلاقي الموظف بكل فرحه بيقولك كل سنه وانت طيب يا باشا وانت بتطلع العشرين جنيه من جيبك و انت طاير من الفرحه انه هيتغاضى عن ديل النسر اللي مش باين في الختم و يا سلام على احساسك وانت رايح بعد شهر تستلم نتيجة حلمك وتلاقي الامور تمام وتستلم شوف السعاده او ماتلاقيش اللي انت رايح تستلمه ويجيلك موظف تاني يقولك كل سنه وانت طيب يا باشا وتغمزه بالعشرينايه الظريفه يقوم يطلع ورقك ياااااه على السعاده وتطلع ما تلاقيش عربيتك واخده حكه محترمه وتلاقيها مسنوده بطوبه ياااه على السعاده فكر كويس في كمية السعاده اللي الحكومه وفرتهالك ساعتها بس هتعرف اد ايه الناس دي وكل البيروقراطيه الجميله و الرشوه الرائعه و قيس كمية السعاده هتخليك تلعن ام التكنولوجيا المتطورة واللي اخترعها لانها وبكل بساطه متساويش فرحتك وسعادتك التي ﻻ توصف عند حصولك علي طلبك في مصر بعد العذاب والمعاناة بتبقي مش مصدق نفسك و الاحساس الرهيب بالسعادة والنشوي ودا الفرق بين الحكومتين حكومة كل هدفها تريحك وحكومة بتفكر بس ازاي تسعدك وتخليك في نشوه غير مسبوقع وتقعد تحكي علي مغامراتك واساليبك الخداعه في تخليص المعاملة وكأنها بطولة والا بتوع حسن شحاته وكمية الناس اللي هتستفيد بخبرتك في المجال ده بعد كده شوف اد ايه انت صاحب رساله!
ياااااه مفيش احلى من التخلف