الفصل بين الأمور من الأولويات المهمه في حياه البني آدم .. 

لأن ببساطه محدش ليه أي ذنب في ظروفك السيئه الي بتقابلها في حياتك .. 

وملهوش ذنب كمان في علاقاتك السيئه مع باقي الناس فتروح تنعكس عليه هو .. 

الإنسان الي ميعرفش يفصل بين الأمور لابد له من إعاده تأهيل اجتماعيه .. 

لأن محدش هيتقبل الخلق السيء والتعامل الأسوأ معاه .. بحجة انك معلش كنت طالع عن شعورك وقتها وظروفك سيئه .. 

نحاول نفصل لأن خراب العلاقات أبوابه كتيره جدا .. 

نحاول نبتسم ونعامل الكل بما يليق به وبما يستحقه .. وبلاش الحول في العلاقات 😁😉 

امبارح كان اروع حاجه قريتها .. لما الشيخ سلمان العوده تلقى حبر وفاه زوجته وابنه وهو في الغربه لأجل حضور مؤتمر ديني .. 

قرر الرجوع للوطن مع الصديق الشيخ عبدالوهاب .. 

وهو في المطار مكانش الناس لسه سمعو الخبر ومع ذلك كل الي بيقابله كان يسلم ويضحك ويطلب يصور مع الشيخ .. 

ومحدش يعرف المصيبه التي حلت به .. 

ومع ذلك رضي يقف مع الكل ويتحامل على نفسه ويتصنع الضحكه ويتصور معاهم تخيلو .. 

مش هتكلم في الثبات والإيمان .. 

بس بتكلم بس عن قدره الشيخ انه يعامل الناس كل حسب ما يستحق .. على الرغم انه لو اصلا طنش الناس ومردش حتى عليهم مكانش حد هيلوم عليه خالص .. لأنه حقا في (مصيبه) .. 

اي انسان معندهوش المقياس ده وكل الناس عنده واحد ودايما بيتعلل بظروفه ويبرر سوء تعامله مع الناس .. ده لازم تصارحه انك بتتضايق واذا لا وهو شخصيته كده يبقى تسيبك منه خالص خالص .. 

مش ناقصين وجع دماغ ✋