صلاه الفجر 💕💞 

وما ادراكم ما صلاه الفجر ؟!

صلاه الفجر يا جماعه مختلفه عن باقي الصلوات في كل حاجه .. وقتها مميز جدا وشعورها وانت بتؤديها مش زي باقي الصلوات 💕 

انتو عارفين اثقل صلوات على المنافقين الفجر والعشاء .. 

لأن كلاهما في وقت نوم وراحه .. وده من شهواتنا الي صعب نتغلب عليها .. 

صلاه الفجر فرض من ال5 فروض الي ربنا فرضهم في اليوم والليله 

يعني متديش نفسك اي عذر مهما كان .. انت كده بتتهاون في فرض من فروض الله .. يعني اثم عظيم .. لأن "ان الصلاه كانت على المؤمنين كتابا موقوتا " 

ملهاش حل غير انك تستوعب انها فرض وتقوم تؤديه .. متحاولش تلاقي مخرج من ذنب ترك الفجر والنوم .. 

طيب .. الناس الي بتشكي دايما من ضيق وقتها وان مفهوش بركه ومش بتعمل ولا تنجز فيه حاجه .. 

عايزه اقولكم ان السر والله "صلاه الفجر " .. 

دايما المحافظين على الفجر هم اكتر ناس منظمه وقتها وعندها بركه عظيمه ..على الرغم ان البركه نزعت في زماننا ده من كل شيء 

فأي حد عايز يبدأ يغير نظام حياته العشوائيه .. يبدأ بتظبيط صلاه الفجر وهيشوف الفرق والنتيجه .. 

طيب كيف السبيل للقيام للفجر ؟ 

اولا لازم تستوعب ان الفجر فريضه .. فده لوحده هيورث في قلبك الخوف من العقوبه .. وهيؤزك للصلاه أزا 

ثانيا اعرف ان "حفت الجنه بالمكاره وحفت النار بالشهوات " 

يعني انت عايز الجنه أكيد لازم تدفع لها مهر غالي وعظيم .. عشان توصل .. الوصول مش بالسهل يا جماعه .. 

والعكس مع الشهوات فهي مؤديه للنار بكل سهوله 

ولذلك اترك شهوه النوم .. وافعل المكروه وهو القيام والوضوء 

الجنه تستحق والله .. 

ثالثا استشعر فضل الله عليك انه وفقك للقيام في حين ان غيرك آلاف نايمه ومش بتصحى .. 

ولكنه سبحانه اختارك من بينهم عشان تقف بين يديه في وقت الصلاه وتؤديها .. عشان بيحبك وسبحانه يريد جزاءك جزاء حسنا 

الطاعه توفيق يا جماعه مش اي حد يقدر يعملها .. فقط الي امتن الله عليهم هم الي بيوفقوا للطاعات .. ممكن تتخذ الأسباب كلها ولكن لا توفق والعياذ بالله لسبب ما .. 

فكده انت عند الله غالي .. 💞 عشان قمت للصلاه .. فاحمدلله على توفيقه ليك .. 

صلاه الفجر عامله زي الهديه .. مش اي حد ياخدها .. زي قيام الليل كده .. 

ناس معينين بس بياخدوها .. وقله بين كثره ...

فاسعد لأنك من الصفوه 💌

رابعا اتخاذ الأسباب السليمه .. ادعي الله قبل ما تنام انك توفق للقيام  ثم انك تنام ساعات كافيه قبل الفجر عشان تستطيع القيام .. 

واهم من ده كله يا جماعه .. خليكم حريصين على اجتناب المعاصي 

فوالله الطاعه والمعصيه لا يجتمعان ابدا .. 

الليله الي تعمل فيها ذنب والله لن تقوم للفجر فيها مهما حاولت 💔

لأن الطاعه عزيزه لا تقبل ان يجاورها ذنب .. 

والله يعاقبك بسلب الطاعه ان فعلت ذنبا .. 

فأي انسان عايز يبدأ طاعه معينه يعزم ان يتوب من معصيه عشان متكونش حاجز بينه وبين الطاعه .. 

أسأل الله ان يجعلنا واياكم من اهل القيام واهل الفجر .. 

وان يوفقنا لطاعته ويرزقنا اجتناب معصيته .. 

انه ولي ذلك والقادر عليه 💌💕💞