كنت فاتح اليوتيوب فطلعلي فيديو لشباب بيسافر جزيره

الفيديو ده سحبني لفيديو حد تاني شبه و من فيديو لفيديو 

فضلت طول اليوم مشغله وانا ماسك الموبايل

كنت قاعد في دمنهور و حاسس بالملل معظم الوقت الي مش بشتغل فيه

جاتلي فكره انا هروح اسافر بورسعيد

لقيت نفسي بحضر شنطتي و استحميت 

كل حاجه كانت جاهزه 

حسيت اني مش عارف بعمل كمان الساعه كانت ٦ بليل 

يعني عبالي موصل بورسعيد مش اقل ٦ ساعات 

هروح مش هلاقي فنادق

لميت حاجتي و مشيت ولقيت نفسي في الموقف بركب طنطا 

وتاني يوم راكب المنصوره و بعدها فبورسعيد

قعدت يومين حلوين و اتعرفت علي ناس حلوه

دلوقتي وانا راكب الاتوبيس بقول لنفسي 

مش ممكن تبقي حياتنا كلها سفر 

بس في مشاكل كتير بتواجههني

اولهم اني عايز ابقي عندي مكان مستقر اروح عليه

مش عارف بس انا عايز انقل اعيش لوحدي بشكل كامل

مش عاوز اقعد مع صحابي و مش عاوز اقعد في اكتوبر

موصلتش لقرار و قاعد بحسبها و انا اصلا بحوش علشان اسافر

بس من الي باين كده ان موضوع السفر هيتاخر شويه

علشان محتاج احوش فلوس السفر تاني. لاني بصرفها 

فانا مش عارف اعمل ايه ولا بعمل ايه 

بس فكره اني اسافر اكتر من مره في الاسبوع صعبه

انا برضه محتاج مكان استقر فيه و ابقي مرتاح و اشتغل بتركيز

يعني انا عاوز ميكس بين الاتنين سفر جو مصر و مكان مريح

حاسس اني لو نقلت وسط البلد هبقي مرتاح اكتر 

مش عارف بس انا هسيبها علي الله بقي 

لو حد عنده نصيحه يقلي اعمل ايه