في التدوينه دي قررت اخرج عن صمتي وارد علي الكومنتات السلبيه الي جاتلي و اني قررت ارد علشان ماما هي كمان قالتي انتا مكنتش مسرح شعرك ليه فانا قررت اكتي عن ليه كان شكلي كده
ايه السر وراء لبسي في ايفنت تيدكس
انا عايز اتكلم لو سمحت ممكن تسمحلي اتكلم بس
ده كلام قالتوهلنا ست في الاربعين في من عمرها وهي بتعيط ليا انا و صديقتي واحنا ماشيين في شوارع اسكندريه.
استغربت الموقف و فضلت واقف مكاني و صديقتي وقفت جنبها و قالتلها مالك بس يا طنط
قالتلها ولادي مش عارفه اوكلهم انا جه فبالي انها محتاجه مساعده و صدقيتي اديتها مبلغ و مشينا
جه فبالي سوال هل دي طريقه جديده للشحاته ولا هي فعلا محتاجه مساعده ؟؟
بعد اسبوع من الموقف ده طلعت اتكلم قدام اكتر من ٢٠٠ شخص تقريبا في مؤتمر تيديكس
بعد الايفنت حسيت اني مطلعتش كل الي جوايا او مقلتش حاجه من الي محتاج اقولها
حسيت نفسي زي الست دي وهي بتعيط و بقتول انا عاوزه اتكلم وعيالي مش لاقيين ياكلو
انا كمان محتاج اتكلم و محتاج مساعده و في نفس الوقت انا رافض المساعده. بس لو حد سمع كلامي ده ممكن يريحني
لو متعرفنيش او تعرفني من التيك توك فانتا تعرف عني اني مصمم لوجو و بشتغل مع شركات برا مصر و بعمل فلوس كتير و مشهور والناس بتحبني و بتقف تتصور معايا و بتحضرلي محاضرات و بيتسقفلي كتير و اهلي و صحابي فخوريين بيا و بانجازاتي
ده لاني بادئ بامكانيات قليله و من بلدي دمنهور الي فيها فرص التعلم و المصادر قليله وبقالي سنين شغال لحد موصلت لمكانه كويسه
بس دي مش الحقيقه
الحقيقه هي اني لاشئ انا ولا حاجه انا مش فخور بنفسي انا مش ناجح انا خره
ده الكلام الي نفسي اقوله في تيدكس و الي قلته في نص كلامي بس كان متزوق و اعتقد محدش خد باله او اهتم
و الي مانعني اقوله اني مش عاوز اصعب علي حد اني مش عاوز اعيط قدام حد اني مش عاوز مساعده حد
انا كل يوم بتمني اني ارتاح نفسي ارتاح ولو عند حلم زي الاحلام بتاعت الافلام الي بنفضل نتعب علشان نوصلها
فحلمي اني ارتاح !! بس الراحه الابديه*
لاني مش شايف اي راحه تانيه غير دي ممكن تنجندي من سجن انا عايش فيه و مش عارف اخرج منه.
سجن النجاح سجن التسقيف سجن المتابعيين سجن الفلوس الي مش راضيه تقف حتي وانا مش بشتغل بعمل فلوس وده محسسنياحساس بعدم الاستحقاق
متيجي نسيب كل ده و نمشي ^^
اتمني اعمل ده بس ك*م ورق الجيش لازم يطلع ميتني و لازم اروح فعز الحر مشواير بت وسخه و انا بقوم من عالسرير بالعافيه الساعه ١٢بعد مباخد حبايه منوم اليوم الي قبله علشان اعرف اعيش مش علشان انام !! يارب حد يفهمه
مش ده الي كان نفسي فيه ^^
الي انا فيه ده مش ده الي انا عايزه و مش قادر اسيبه لاني هدفع فلوس الايجار منين هشتري الحاجات الي نفسي فيها منين وحياتي الياتعودت فيها علي خروجات غاليه و هدوم غاليه ازاي هقدر اسيب ده و ارجع تاني لحياه انا كنت كارهها و حاسس فيها بالنقص طول الوقت
دلوقت بعد مفضلت ماشي الاصوات الي فدماغي و مشيت فطريق كنت مفكر انه طريقي و انه هيوصلني لحاجه
بس هو فعلا وصلني ! وصلني للمرحله الي انا مدرك فيها دلوقتي ان ده مش مكاني و مش هسيب الي بعمله لحد ملاقي الحاجاه الي انا مرتاح فيها وتبقي بتعملي فلوس
انا بس اتمني منجحشي زياده عن كده فالي انا فيه علشان كل مره حد بيسقفلي و يشوفني و يتصور معايا ويقلي انتا مثلي الاعلي
بحس باحساس خره و اتمني متكونشي فمكاني فحاجه منتش عايزها و مش قادر تسيبها دلوقتي
بس خلاص انا كبرت و بقيت ٢٦ و مينفعشي ابقي زي مكنت مراهق لو حاجه مش عجباني اسيبها و اروح لحاجه تانيه تاني يوم
علي اساس لما كنت مراهق كنت بعمل كده ** بؤس 🥲
النهايه
ا اهلي و صحابي و الناس الي متابعني عالسوشيال
انا من غيركم عمري مكنت وصلت للمكان الي انا فيه دلوقتي و هو اني قاعد علي كافيه و ماسك ايفون ١١ و لابس شورت اديداس ب ٩٠٠ج و طالب قهوه و كرواسون جبنه و ده مكنتش بعرف اطلبه قبل كده علشان الاوردر ب ٤٠ ج !!
كنت لما بجيب واحد قهوه ب ٧ ج ابقي احس اني مبزر
بس انتوا شجعتوني و سقفتولي كتير لحد مبقيت هنا
الي انا بعمله دلوقتي هو اني بحاول اعمل حاجه ليا حاجه واحده بس و اتمني ابقي فخور بنفسي
و وقتها ممكن ابقي مبسوط و يكون عندي امل
فايا كان الي هعمله لو فضلتو موجودين جنبي هبقي ممتن لوجودكم
شكرا
