تبحر مراكبــنا علـــى متن الأيــام

           المـــوج عاتي والسما به عواصـيف

لو كان مانرسي على شط الأحلام

            الصـــــدق مبدا..والنوايــا مجاديـف

فينا الوفـــا ماغـــيّره زيــف الأعوام

         مغروس .. وظنون البرايــا ملاقيـف

مجهودنا نعطيــه مانعطــي أوهـام

          يكبر بعين اللي برووس المشاريـف

نخطـي ولكن مانجاهـــر بالآثـــام

          ونمــوت مانبخــس ديون المعاريـف

نصبر على المقسوم من رب الأيتام

          لوجارت دروب الزمن والصواديـف

ماخابـــت ظنون التوافيــق مادام

           ربي عليم الحال مايحكم بـ حيف

صالح مبخوت