ياالله يـالمــعبــود منـجـي غــريـقـه
تفـرج على قلبٍ من الضيق مابـات
عـزالله ان الصـدر تغشاه ضيـقه
ضيقـة على فـرقا المحبـين بالــذات
القـلـب هــمٍ فــيـه ماهــو يــطيـقـه
كــنـّه ورى بــاب العنـابـر سَنَوَات
الله على اللي لـ استوى مع طريقه
تفــتح لـه العـالـم دُروب ومســارات
مـن هيـبتـه ماهــو يوقــّـف دقيــقـه
عند الخفير اللي يداقــش خفارات
يفــز لــه فـزّة صــديـق لـ صديـقه
ويــرفع لــه القبــّـوع واجب تحيّـات
مــن مصـنـع اليابان عنــده وثيـقه
مايـركــبه غــير الشيــوخ البهـاوات
نســرح عليـه الصبـح لافــكّ ريـقـه
من عقـب مانطلب بديع السماوات
من قبل نور الشمـس يظهر بريـقه
قـبـل المـدارس والغـثا والـدوامـات
كــلن عـلـى السكـان يعـزم رفيــقه
خـوّة عـلى وضح النقا والجمـالات
نبـغـى ديـارٍ عــن بلــدنا شقيــقه
دارٍ بـهـا للصــيد طــاري وجولات
بعــيد عـن شوف البشـر والخليقه
بعــيد عـن حاسـد وحاقد وشمات
فـي واديٍ سيــله تعــدى مضيـقه
قد لــه ثــلاث ايام للمـزن مبيـات
فيـه الوضـيحي والغزال الرشيـقه
والــوعل ابوقرنيـن غايـب ولامـــات
هذا هـوى نفسـي بــ حلم وحقيـقه
ياللي لكم في شرق لندن حجوزات
صالح مبخوت
