تقريبا من اكتر الحاجات اللي بتواجهني و اظن بتواجه ناس كتير هي اثبات ذاتي ..
ان اشتغل و اتعلم و ادرس في جامعة و احيانا يجيلي اوقات اكون عاوزه اسيب كله و اكون زي اي حد عادي عايش بيدرس و خلاص
و من الحاجات اللي بتواجهنا هي تغيير الطريق اللي احنا راسمينه لينا و اد ايه بيبقي صعب نتأقلم ع طريق احنا مكناش نتوقعه و لا فكرنا فيه ...
احتاجت كتير ان اتكلم مع حد يدلني و يعرفني الصح بس محدش هيكون فاهم احنا عاوزين ايه مهما قلنا
لكن القرار اللي انا اتاكدت اننا لازم كلنا ناخده اننا نواجه كل ده و منهربش لاما هنفضل طول عمرنا هربانين و لازم نخرج من منطقة الcomfort zone لازم نتعب و نفضل نحاول لغيت ما نوصل للي احنا عاوزينه و الحاجه الوحيدة اللي هتوصلنا ليه هو تعبنا و اصرارنا علي اكمال الطريق.
