سوالف --السالفة الاولى

ابو عنتر ,,تاجر كولش زنكيل ’’’

واهل بغداد ’’’كلهم يحبونه ويحترمونه ’’’

لانو جان يساعد الفقره واليتامى والارامل ’’

وجان عنده سبع ولد ’’’واحد احسن من الثاني’’’

وعايشين بامان الله ’’عافية وصحة وصيت وغنه’’’

مرت ايام وسنين ’’والحال ماشي باحسن حال’’

ويوم من الايام ’’ابو عنتر جمع فلوسه كلهن ’’’

واشترى بضاعة من الهند ’’’ولمن طلعت السفينة للبحر ’’’

كبت ريح واعاصير كولش قوية ’’

وغركت السفينة ’’’وبطلاع الروح ’’نجا ابو عنتر من الموت ’’’

ولكه نفسه بالبصرة ’’’لافلس ولا عانه ’’ولاصديج ولارفيج ’’’

كام يسحل بروحه سحل ’’الى ان وصل لجامع المدينة ’’’

لملم نفسه ’’وكعد بالزاوية مالت الجامع ’’

وكبل ما يأذن وذان الظهر ’’’طب الوالي للجامع ,,,

وبده يطشر فلوس على الفقره واليتامى ’’

وبلحظة انتبه على ابو عنتر وصاحه ’’

وساله انت غريب ومبين محتاج ’’’

متكلي شنو سالفتك ’’’

ابو عنتر سولفله قصته ’’من الالف للياء ’’

كوم الوالي وانطيه الف ليرة ذهب ’’

وكله باجر تطلع مركب لبغداد روح بيها ’’’لاهلك ’’’

او ويه غبشة الصبح ركض ابو عنتر للشط علمود ’’

يصعد بالمركب ’’وقبل ما يجي المركب ’’

طلع فلوسه وطلع منهن فلوس الكروة ’’’

وبهل الاثناء شافته وحده قمبازية ’’

وكامت تصيح رجلي ابو حمد ’’باك فلوسي ’’

ويريد يشرد لبغداد ’’التمت العالم ’’

واخذوا وياها لقاضي البصرة ’’

والمرة تصيح رجلي ابو عيالي ’’باك فلوسي’’’

ساله القاضي ’’’ليش بكت فلوسها ’’

حلف ابو عنتر بالحسين وبالعباس ’’

انه ما بايك فلوسهه ’’

ساله القاضي عندك شهود ’’كال لا ماعندي’’

كله لعد انطي مرتك فلوسهه وامشي ولي منا ’’

لا اسجنك عشر سنين ’’’

رضح ابو عنتر للامر الواقع ’’وانطاها كل فلوسه ’’

اللي اخذها من الوالي ’’’

ورجع للجامع ’’يوللول ويبجي من القهر ’’’

بهل الاثناء طب امام الجامع وشاف ابو عنتر ’’

يدك ويلطم ’’

اجاه وكله ها خوي شمالك ’’

ابو عنتر سولفله السالفة كلها ’’

كله امام الجامع ’’راح ادزك على مرة كولش سباعية ’’

وهية ترجع فلوسك ’’’

راح ابو عنتر للمرة وسولفلها سالفته كلها ’’

كلتله امشي وياي للقاضي ’’وكله اريد ابني من هاي المرة ’’

اللي اخذت فلوسي ’’علمود اربيه تربية صالحة ’’’

القاضي دز عله المرة الباكته ’’وكاللها رجلج يريد ابنه يربيه يمه ’’

المرة ظلت حايرة ’’شتكول شتحجي ’’كلتله للقاضي تامر امر’’

من نطلع نتراضى انه وياه ’’وفعلا من طلعوا ’’

كالتله لابو عنتر انت شتريد ’’

كاللها اريد فلوسي منج ’’واتنازل عن ابنج ’’’

المرة انطت فلوسه ’’ورضخت للامر الواقع ’’

كيف ابو عنتر ’’وشكر المرة اللي ساعدته ’’

وركض للشط ’’’صعد بالمركب ’’’’

وهو يحمد الله ’’على كل شيء’’

فجاة انكلب المركب هو واللي بيه ’’

وبطلاع الروح ’’نجا ابو عنتر من الموت ’’

ولكه نفسه بالبصرة ’’بس خرجيته كلها غركت ’’’

وهماتين سحل روحه سحل ’’وراح للجامع ’’

وهماتين اجه الوالي للجامع وطشر فلوس ’’

عله الفقره واليتامى ’’

وبلحظة شاف ابو عنتر ,,كاعد بالزاوية ’’

ودز عليه ’’وساله شنو سالفتك ,,

مو انطيناك فلوس ’’وكلنالك روح لبغداد بالمركب ’’’

ابو عنتر سولف كل سالفته من اخذ فلوس من الوالي’’

لحد ما غركت بيه المركب ’’

صفن الوالي شويه ’’وساله تعرف تركب احصان ’’

كله ابو عنتر اي اعرف ’’

كوم يلوالي انطيه احصان ’’ودز وياه عشر خيالة ’’

من اشجع رجال البصرة ’’

وكله روح لبغداد ’’وانطاه فلوس ومتاع السفر ’’

قبل ما يطلعون من البصرة ’’

اتلكوهم خمسين خيال من عصابات التسليب’’

وقضوا على الخيالة العشرة ’’

وبطلاع الروح شرد ابو عنتر ’’ورجع للجامع ’’

وره شويه اجه الوالي للجامع ’’’

وهماتين طشر فلوس عله الفقره واليتامى ’’

وبلحظة ’’شاف ابو عنتر كاعد بالزاوية ’’

ودز عليه ’’وساله عن الخياله العشرة اللي وياه ’’

ابو عنتر سولف سالفته كلها من طلعوا من البصرة’’

لحد ما لاكوهم السلابة ’’

الوالي ما صدك بسالفته ’’وامر بسجنه عشر سنوات ’’

واول ما طب السجن احترك السجن ’’واحترك وياه ابو عنتر ’’’’’’’’’’’’

’’خرب صفحته شكد فكري’’’’’’’’’’’