دوامه

واضح إن الأمور ماشيه زي ما الواحد رافض تماما ، لم أقصد الإرادة الإلهية ف الحمدلله على كل مقدر ومكتوب ولكن أقصد الخطوات دي اللي عارفها كويس وعارف اخرتها. هي خطوات بالمللي نفس الاسطنبه إللي اجبروك تدخلها من يوم م وعيت عالدنيا..

خطوات أولها إنت كبرت ومحتاج تخلص ورق كذه وكذه ،مرورا  بعمر طويل زائل بين جدران المصالح الحكوميه عشان تخلص الاوراق . حاسس أن مشوار الأوراق ده هو السلاسل اللي بتلفها حوالين حياتك كليا ، حرفياً أنت بتعقد حياتك بكمية أوراق و روتين لو سألت كل ده ليه ؟ ممكن متلاقيش إجابة أصلا..

المشكله أنك هتسيب نفسك مره تاخد خطوه هتلاقي نفسك تايه جواها مش عارف تطلع وهتكون الوريث الشرعي لنقل الأوراق من أهلك لعيالك بعد كده و هتبقي استوفيت شروط وجودك كترس ف عجله الروتين الابدي للانسان

لحد م عمرك يعدي ، هي دوامة سخيفه هدفها الاسمي تعقيد و تشتيت و امور قد لا تضح بعد .. لله الامر من قبل ومن بعد.

الله المستعان