من فترة....
جاني الشتا و عيونه باردة..
حبيت فيه مطرُه و بقيت فيه شاردة..
جاني الحلو لابس لي قناع..
و بكل زيف.. عاملة إيه يا وردة؟
و بعلو صوتي بقوله: أنا خايفة🥺🥺
الحلوة المفتحة دِبلِت مبقتش وردة😔😔
خايفة من إيه يا حلوة🤔🤔
منك يا شتا.. لسعتك جامدة💔
أنا..؟؟ أنا إللي بتتحامِي فيا و تبكي في مطري؟؟
أنا إللي بتموتي فيا و في ليلي و سهري؟!
بس انت يا شتا جيت من فترة..
لابس لي قناع.. سايبني في صراع..
و جروحك لسه بتعلم فينا لحد انهاردة🥺💔
جيت و معاك الفيروس، منعتنا عن الأحباب..
خليت قلوبنا من كتر الشوق صبحت صَحرا جَردَا 🌵🌵
مش قلت لك يا شتا... لسعتك جامدة؟
ليه تبعد عني أحبابي و أصحابي؟
ليه معرفش أشوفهم انهاردة؟؟😭
متنزليش، متحسيش، متشتاقيش..
انسي حبايبك، خليكي جاحدة...
إزاي يا شتا؟؟ إزاي أقسى أو أنسى؟!
إزاي عاوزني أبقى زي الخُردة؟!
قلبي اشتاق يا كورونا... ابعدي عنَّا و سيبينا...
هتزولي بإذن ربي.. 🤲🏻🤲🏻
و هو القادر يمحيكي و يحمينا..
و هييجي تاني الشتا لكن..
بقلبه الدافي و قمره الصافي..
هييجي الشتا و صحتنا هتبقى فُل..
و قلوبنا هتبقى جامدة..
هتعود الأيام لكن... هتكوني عنَّا باعدة..
و هفضل أحب في الشتا مطره
و أسرح بقلبي و أكون فيه شاردة✨✨✨
#من_فترة
#بقلم: الشاعرة ياسمين السقا