زجل مغربي :تائه

سكران.......
ماشارب غيرالضيم..
سقاني منو زماني كيسان..
حيران.....
كل ساعة يتفكرني بجغمة...
بلاخاطرنطفي بها النيران...
عيان.....
الجوف مجمرشاعل مزيان...
صهدو طالع حمر في الجفان..
الوجه شاحب غابت عليه البسمة...
يطير العقل وتبقى جنازتي بين الحيطان...
يحلق بلا جنحين ما يشم نسمة...
الخطوات فوق الشوك تهيم...
في طريق زحمة مافيها رحمة ....
بغيت الضو عماتني الظلمة....
فين الشميشة تحيد العتمة...
طالبين جودك يا رحمان ...