آخر مقال في ماهية البصيرة عبارة عن مدخل بسيط تطبيقي لنظرية يونج

لما تيجي تعمل اختبار للشخصية هتلاقي اشهر حاجة عندك MBTI، المقال ده هخرج عينك بره دائرة الـMBTI الشهيرة ونروح لحاجة اشد وأدق نوعًا ما وهم الـSoscionic& DCNH :

مبدئيًا خلينا نفهم ان اي شخصية من الشخصيات الموجودة في الـMBTI تتغير بتغير عمرك وخبراتك، اضافة انه لا توجد شخصية افضل من شخصية

الاختبار مبني على ما قاله يونج في كتابه Psychological types وطورت الاختبار ده مايرز بيرجيز وبُني على:

1. الانبساط ضد الانطواء (Introvert Vs. Extrovert)

2. الحس ضد الحدس (Intuition Vs. Sensation)

3. التفكير ضد الشعور (Feeling Vs. Thinking)

4. الصرامة ضد المرونة (Judging Vs. Perceiving)

ومن دول طلع الـ16 شخصية الموجودة في الاختبار وهو من اشد الاختبارات دقة بالمناسبة

ويمكنك عمله بالعربية من هنا

http://jass.im/test

2. السوسيونيك - Soscionic

اختبار اشد دقة تم تطويره من قبل العالمة (اوغسطا) والكلمة مشتقة من كلمة Society - مجتمع وهذا لاعتقادها ان لكل شخص دور مهم في المجتمع، اشتهر الاختبار بأنه (نموذج معالجة مداخل معلومات العقل)

هفاجئك اكيد لو قولتلك ان السوسيونك ده اكثر استخداما على مستوى العالم وبالأخص في دول اوروبا

وبالعكس كمان بيستخدم في بحوث الزواج والعلاقات والادارة في كثير من الشركات العالمية والبنوك العالمية

وكمية استخدامه في الابحاث الاكاديمية لا تعد ولا تحصى حرفيًا يعني

مش هكتر لأن كل اختبار محتاج مقالات لتفاصيله

http://www.socionictest.net/Test.aspx

https://www.the16types.info/vbulletin/showthread.php/44742-Socionics-Tests

3. نظرية الـ DCNH

نظرية تابعة لمنهجية السوسيونيك ولكن بعد تطويرها بشدة وبدقة لتكون ادق نظرية ونوعا ما نقدر نقول أقلهم اخطاء وسد للفجوات الموجودة في البقية

مش بس كدة كمان هنا بيقولك ان نمطك بيتغير بتغير حياتك وده عكس كل الاختبارات اللي فوق

بناء على رد فعلك تجاه الحياة والناس، لكن المهم انك تعرف ان تغيير النمط يحدث ببطء,، ببطء شديد مثل التعرض لصدمة نفسية وغيره

1. هو الحاجات دي مهمة؟

اه، الحقيقة مهمة جدا بتساعدك على فهم نفسك لو مكنتش قادر تحددها بدقة

2. الحاجات دي نعمل الاختبار بتاعها ازاي؟

انك تجاوب على اللي انت بتعيشه وبتعمله بجد، يفضل متعملش الاختبار قدام حد علشان تبان شخصيتك اللي بجد لو محرج من اي حاجة، متحطش اللي نفسك تعمله، او ترد به او غيره، اختار اللي بتعمله بجد

3. الحاجات دي صحيحة وبجد ولا اي كلام؟

لا يجب تقديسها، لكن الاختبارات دي تم تعديلها والعمل عليها لسنين وفيه بحوث بتتعمل عليها لغاية دلوقتي حرفيا، مجال الاتش ار والادارة شغالين عليهم حرفيا في تحليل شخصيات موظفينهم، تفتكر الناس دي كلها بتهزر؟

4. هل يمكن تغيير النمط؟

يجيبنا ديفيد كريسي بأنه لا يمكن تغيير النمط لكن يمكن تشويه النمط فتشعر انه تغير

والحقيقة في وجهة نظري ان كريسي صحيح بشكل كبير، لكن لكل قاعدة استثناء وهنا الاستثناء كبير مش صغير

فالصدمات اللي بنتعرضلها في حياتنا كفيلة بتغيير حاجات كتير في أدمغتنا، اضافة ان يونج قال ان الشخصية بتتكون من وظائف معرفية، والوظائف المعرفية تتأثر بتأثر الخارجي على الدماغ

وعلم النفس الحديث بيقولنا ان البيئة بتأثر بشدة على الشخصية، لكن اظن وبشدة ان كريسي محق يتم تشويه الشخصية، لكن لا يتم تغييرها ^_^

كانت رحلة حلوة، اظن انك تقدر تكملها مع نفسك وخليك فاكر أنك دائما تحاول أنك

"سر منك إليك" حياة موفقة كما اتمناها لك