فراخ محشية ارز
المقادير:🌹🌹
فرخة بيضاء
٢ كوب أرز مصري
كبد مقطعة قطع صغيرة
بصلة كبيرة مفرومة ناعم
حبهان
ورق لورا
قرفة
السبع بهارات
فلفل أسود
ملح
مكسرات لو حابين
٢ كوب ماء ساخن أو مرقة
الطريقة 🌹🌹
في حلة نحط معلقة زبدة ونحط عليها البصلة نشوحها كويس ونحط عليها الكبدة ونحط ربع معلقة صغيرة من الحبهان و القرفةو السبع بهارات والفلفل الأسود ونشوحهم كويس لمدة دقيقتين وبعد كدة ننزل بكوبايتين الارز
(الارز يتغسل ويتنقع عشر دقايق وتصفيه) ونشوح الارز ونحط عليه ربع معلقة تاني من نفس البهارت وورق اللورا والحبهان والملح والمكسرات المطحونة ونحط كوبايتين المياه السخنة ونسوي الارز سوا كامل
هنجيب الفرخة بعد ما اتغسلت واتنقعت ننشفها من جوه كويس ونحط الارز جوه الفرخة ونمليها لان الارز مستوي سوا كامل
وفي حاجتين ممكن يتعملوا نقفل الفرخة بخلة سنان ونربط رجليها و نسلقها في مياه فيها بصلة و ملح وحبهان وورق لورا وجزرة ونطلعها ندهنها وندخلها الفرن مع خضار بس اللي بيخاف لتتفتح وتوقع الارز يحطها في صينية مع الخضار ويغطيها بفويل تستوي وفي الاخر تشيلوا الفويل علشان تتحمر
او ممكن نحطها في كيس حراري وندخلها الفرن
دهان الفرخة:🌹🌹
زبدة وزعتر ناشف وملح وفلفل و صلصة وبالهنا والشفا 🌹🌹
