بستغرب جدا اد ايه في ناس بتتفنن بس في انها تدايقك وكان دا طبيعى ومن حقهم وانهم كدا مافيش منهم اتنين وماحدش يقدر عليهم بس الحقيقه بقي فعليا ان الناس دى فاشله جدا وبس بتلاقي نفسها لما تبوظ حياتك وتخليك تعيس
كنت قريت مره في كتاب ان في ٣ ادوار الناس بتعيشهم دور المنقذ ودور الضحيه ودور الجانى
هنلاقي دايما ان في ناس بتحب تعيش في دور المنقذ دايما إلى هما دايما بيسعدوك وانهم دايما لو محتاج اى حاجه يعملوها وهما دايما إلى بيطلعوك من همومك ومشاكلك
وناس تانيه بتحب تعيش في دور الضحيه إلى هو الدنيا كلها جايه عليا والناس بتكرهنى وانا مظلوم
وناس تالته بقي دى الناس إلى بتعيش في دور الجانى وانهم ياذوا الناس إلى حواليهم وانهم بيحسوا ساعتها بس انهم مسيطرين وانهم مافيش منهم اتنين
الحقيقه ان النفس البشريه دى معقده جدا لدرجه ان الأدوار دى مش بس بتتوزع بالشكل دا على الناس بالتوازي لا دا كل شخص فينا بيعيش ال٣ ادوار دول
يعنى مثلا لو جينا ركزنا على شخص ممكن يكون بيعملنا وحش وبيمارس علينا دور الجانى هنلاقي نفس الشخص بيتعامل مع حد تانى غيرنا كويس جدا او يمكن كمان يبقي ضحيه ويبقي منقذ مع حد تالت خالص مش بس كدا احنا نفسنا هنلاقي نفسنا بنلعب دور الضحيه مع أشخاص ودور الجانى مع أشخاص تانيه ودور المنقذ مع أشخاص تالته
الفكره الحقيقه ان انت الى بتسمح للى قدامك يلعب معاك اى دور من الأدوار دى على حسب اصلا هو انت حابب دور ايه معاه ؟!!
أتذكر في مره من المرات ان في ولد وبنت قرروا يقعدوا معايا على نفس التربيزه لمجرد ان هما مش لقين مكان وانا قاعده لوحدى فاكيد انا هتكسف واقوم فقعدوا حتى من غير مايستاذنوا أو حتى يفكروا ولو لحظه في حد قاعد معايا اصلا وشويه و جى ولا لا
وقتها كان قدامى حل من اتنين يا اقوم واسبلهم المكان ومش هلاقي مكان تانى اعقد فيه يا اما اقرر عدم الاستسلام وهما إلى هيقوموا لان اكيد مش هيبقوا براحتهم
هنا قررت انى مش هلعب دور الضحيه وفضلت في مكانى فعلا ومش اتحركت وشويه هما قاموا ومشيوا الجدير بالذكر بقي ان انا اصلا كنت همشي بس حركتهم استافذتنى لدرجه انى صممت ماعملش دا
فعلا النفس البشريه دى اكتر حاجه معقده لدرجه انك بتبقي ساعات مش فاهم نفسك اصلا
معنى ايه الكلام دا ؟ يعنى اعمل ايه يعنى مش فاهم ؟!!!
بص يا سيدى انا هفهمك لما تلاقي حد بيجى عليك وبيعملك وحش لازم تفهم اول حاجه ان انت الى سمحت ان دا يحصل وان لو مش عايز ان دا يحصل مش هتسمح لدا اصلا
ازااااى؟!!
اقولك ازاى ... اولا لازم تعرف الشخص دا ان انت رافض طريقه تعاملك معاك بمنتهى البساطة قوله انا مش موافق على طريقه تعاملك معايا
ايه 😳 !!!! .. ايوه زى ما بقولك كدا حتى لو شخص مهم جدا بس اول خطوه انك تعرف إلى قدامك بكل زوق واحترام انك رافض الأسلوب بتاعه
تانى حاجه اسئل هو ليه الشخص دا بيعملك كدا وحاول تشوف هل في أسباب فعلا قويه تخليه بيعاملك كدا يمكن فعلا تبقي مقصر ولا أسباب تافه لا تستحق ولا مافيش أسباب اصلا وفي آخر حلتين كدا نبدا ناخد بالنا ان إلى قدمنا شايفنا شخصيات ضعيفه يقدر يمارس عليها سيطرته والحقيقة أن هنا في نقطه مهمه جدا مش شرط ابدا عشان إلى قدمنا شايفنا كدا يبقي احنا كدا فعلا يمكن نكون طريقه تعاملنا معاه وصلتله الرساله غلط وفي الحاله دى بيحصل حاجه من اتنين يا الشخص دا توصله الرساله صحيحه ويفهم انه فاهم غلط يا ما هيخسرنا للأبد لأننا قولنا من الاول ان احنا مش هنقبل نعيش في دور الضحيه
تالت حاجه بعد مسالنا بقي هنعمل ايه يا حلوين ..؟
ايوه براقوا عليكم هنوصله الرساله الصح و نعرفه انه مش من حقه انه يعملنا كدا وان لازم يبقي في علاقه محترمه ومتفهمه مابينكم انتوا الاتنين
طب لو هو بردوا فضل على موقفه انه هيفضل يعاملنا بالطريقه إلى مش عجبانا هنعمل ايه ؟......
رابع حاجه بتتعمل انك بمنتهى البساطة بتمشي
ايه امشي 😮!!! لا لا لا ماقدرش امشي ازاى؟
ايوة بتمشي لازم تمشي عشان اى محاوله منك للبقاء مش هيحل اى حاجه كل إلى هيحصل انك كل يوم هتخسر نفسك واحده واحده لحد ما تصحى في يوم تدور على نفسك مش تلقيها
( أخسرهم قبل ماتخسر نفسك )
حد يقولى ازاى يعنى في علاقات مع بعض الناس بتتفرض علينا ما نقدرش نغيرها زى ام و اب وأخوات وزملاء عمل ومدير في علاقات إجبارية
بص يا سيدى الحقيقه ان العلاقات الإجبارية هى مختصره في علاقات الدم إلى ماتقدرش تعمل فيها حاجه
و حقيقه الامر ان علاقات الدم دى وخاصه الآباء والأبناء على وجه الخصوص جدا دى علاقات مهمه جدا في حياتنا وتليها علاقه الاخوه وياتى بعد الاخوه اى علاقات دم تانيه (وماذكرتش الأزواج مش لعدم اهميتهم لا بس عشان دا موضوع لوحده خالص وليه مكانه مقدسه ومحتاج شرح لوحده مش في موضعنا
دا )
و الحقيقه ان العلاقات دى مهمه جدا و بنحتاج ليها جدا في حياتنا عموما و ما نقدرش نمشي ونسبهم بس المره دى لازم يبقي في تكنيك مهم جدا بعد تنفيذ ال٣ خطوات إلى قولنا عليهم قبل كدا وهو اسمه اعمل الخير وارميه في البحر 😉
وفي الحاله دى تتعامل معاهم بمدا التجاهل التجاهل ازاى ؟!!! اخاصمهم يعنى وماكلمهمش تانى ؟
لا انا قصدى انك تتجاهل اساليبهم وطريقتهم إلى مديقينك تلعب بس على إلى بيحبوه وتعملهم وامشي بمدا اعمل الخير وارميه في البحر
بمعنى ادق تجاهل احتياجك ليهم بطل تستنى حاجه منهم بطل تدايق وتحاسبهم على أفعالهم معاك واتجاهك وحطلهم دايما اعذار وغمض عينك عنهم مش شرط عشان هما يستاهلوا بس عشان انت ترتاح وتبقي حاسس بالسكينه
وفي الاخر خليك دايما واثق انك تستاهل انك تتعامل كويس وانك مش ضعيف ولا قليل وان اى حد بيعاملك وحش دا عيب فيه هو عشان هو فهمك غلط وانه هو شخص ضعيف و ماصدق يحس ان في شخص أضعف منه يعامله وحش بس على رأى احمد عرابي لا نذل ولا نستعبد بعد اليوم 😉
ودمتم سالمين ♥️
