يعدي الزمان واحنا زي ما احنا
ناس لا بيحسوا بينا ولا بجروحنا
وجوه بتتبدل وتغير معاها نفوسنا
حتى الأماكن تتبدل وتموت الفرحة ف قلوبنا
نكمل الطريق غصب عننا ونكتم مآسينا وحتى صوتنا
ولما يحل الليل علينا نفتكر آلامنا ونقابل وشوشنا
نخاطب عقولنا ونسأل عن سر ضعفنا وخوفنا
لكن ف عز كل الحزن والظلام نشوف شعاع القمر فرحان
ونشوف اللون الأسود لابس فل ف فروع وأغصان
وفجأة نلاقي نفسنا بنكسر كل السلاسل وبنهدم الجدران
وبنخرج للدنيا ونشوف من تاني النهار
ده مش حلم ولا خيال ولا دي مجرد افكار
انهاردة سقطت الديكتاتورية وكمان انهارت الأسوار
يا مصر بكره هتتبقى الدنيا مليانة عمار
ويرجع ليكي ولادك وأحفادك الأحرار
هتتعافي من وهنك بدعوات الناس الأبرار
ونرسم تاني على كل الحيطان ان مصر هزمت الفجار
وحتى لو وسط الأعاصير وقسوة السيول والأمطار
هتشرق شمس الحرية وتعوم ضد التيار
هتكشف حقيقة كل الطغاة والأشرار
تدوس على الظالم وترفع من تاني الأخيار
يارب يا قهار انصرنا على كل ظالم جبار
