المشكلة مو في التجاهل وبس، أحيانًا تتجاهل أكثر شخص منتبه عليه لحاجة في قلبك، تنتظر منه كلمة عتب عشان تبدا من آخر مكان وقفتوا فيه آخر كلمة آخر شعور.
المشكلة مو إن هالشخص يتجاهلك وهو مو منتبه حتى لهالشي! يتجاهل.. ما يفتقدك ما يحس بغيابك بشكل حقيقي، بشكل موجِع. وحتى لو سقت له نصوص العتاب جمعا ما راح يفهمك لأنه ما حس باللي تحسه ولا راح يحسّ.
المشكلة مو إنك ورغم معرفتك بإن عتابك غير مجدي عاتبت وأتاك ردّ بارد جمّد ما بقي فيك من عتب.
المشكلة مو إنك لا تتعدا كونك هامش في صفحته المنسيّة بينما هو كل صفحاتك من الدفة إلى الدفة.
المشكلة مو في الوقت. الوقت اللي يخليك في لحظة تتنكّر لكل (زعلك) لأنه أضيق من أن يسَعُه. الوقت اللي تبكي مضيّه وحدك.
المشكلة الحقيقية هي إن قلبك يرى كل هذا ويفهمه ويشعر به ولا يكفّ.
