أحنا ممكن نبدل عنوان فكرة هل تعلم ل " أحرق دمك "
هل تعلم أن في الوقت الي في مصر هيمنعوا فيبر والواتس و...ألخ , برامج نظام المكالمات المجانية بشكل عام ,,, في بلاد عربية تانية زي الكويت ممكن أب يقول لأبنه : يبني هات خط نت عادي كده كده الكل بيتكلم على الفيبر
أولا : سبب الجلمة دي ان كما ذكرنا سابقا , ان النت في دولة الكويت كويس وبأسعار حلوة , ده غير أن دلوقتي بدأوا ينزلوا خطوط نت للموبيلات ,وبالفعل في روتر محمول بخطوط النت دي تقدر تاخده معاك في اي مكان , في الأول كان غالي لكن التنافس بين االشركات الثلاثة خليهم يحسنوه ويقللوا سعره
ثانيا : الأجهزة الألكترونية في الكويت بالنسبة لمصر أسعارها رخصية , وكل يوم بينزل عليها عروض بتقل , وخصوصا خلينا نحدد نوع الي هو الهواتف الذكية , بالنسبة لمصر
الفكرة نفسها في مصر , سواء في الموبيلات عموما او ملحقتها او اكسسورتها , هي أنها مش الحاجة الي جيه مصر دي اغلى من بره لانها متصنعة مخصوص للشعب المصري وسعرها غير , لأ الفكرة ان التلفون بيجي من بره سعره ولنفترض ال100 ج , تقوم الحكومة حاطة التتش بتاعها وتحط عليها ضريبة (جمارك ) 50% ويبقى سعره 150 ج أو ساعات فوق ال50% , رغم المفروض كتبلنا في الكتب الدراسية الي بندرسها في كلية تجارة ان الضرايب دي الي بتتعمل على الواردات , عشان نحمي المنتج المحلي , الي هو فين في عامل الهواتف الذكية ماتعرفش ؟؟؟؟؟؟؟
أكسسوارات الموبيلات نفسها من ارخص ما يكون و90% منها من صنع الصين سواء ماركة ايه , وسعرها لا يتعدى 5-10-20 جنيه بالكتير اووي 25 , لكن في بلد الاقتصاد بتعها بيتكتب في الكتب أكتر مايتنفذ على أرض الواقع , ممكن تجيب جراب ب60ج بعد ما صاحب المحل او البايع يكون مفهمك انك زي أخوه وانه عمل معاك الواجب ومافيش زي كده واجب , لكن هو الصراحة ماعندهوش ذنب , هو مش بينصب عليك ولا حاجة انه يبيعلك الحاجة ام20 ب60 , لأ لو بعلك الحاجة ب20 , مش هيلاقي فلوس يجبلك الحاجة ويدفعلها ضريبة تخش البلد غير أكراميات لناس تانية وغير وغير وغير ..ألخ
في مصر بشكل عام عشان مايمنعوش برامج الأتصال المجانية لازم الشركات الثلاثة تبدأ تصرف فلوسها على تحسين شبكتها والأنتقال بالنت نفسه لخطوة تانية بدل الموافقة على قرار زي منع برنامج المكالمات المجانية , بحجة ، انها تمس الأمن العام , ده طبعا على أساس ان الجواسيس الي مصر متغربين في مصر وعايشين عيشة الفقر ومعهمش فلوس يشحنوا , فبيستعملوا الفيبر والوتس عشان ينقلوا أخبار مصر , ويتصل على الخواجة على الفيبر عشان يقوله أنهم هيمنعوا الفيبر والمهمة فشلت ولازم تسحبوني
في وقت الأقمار الصناعية وصلت للفضاء , وبيبحثوا توصيل النت للأمكان الي مفيهاش نت , مصر عايزيه ترجع وره , او الأصح المصالح عايزه تطلع لقدام ,لأن في مصر دلوقتي الواحد بيقول لصاحبه : كلمني على الوتس , او هبعتلك بليز كول مي , والجملتين دول يسببوا خساير لشركات الأتصال جدا , فمن الأفضل أنهم يوفقوا على القرار رغم أنهم شركات خاصة , لأن في الوقت الي التكنولوجيا المفروض بتاخد الناس لقدام والنت معمول بكل شبكاته الأجتماعية عشان يقرب الناس من بعض , مصر ام الدنيا مش موافقة وعذرها الأمن
مصر في عالم التكنولوجيا وره جدا , وأقتصادها الحالي ضعيف , فمش مقبول أن في الوقت الي الدول بتتقدم فيها بأستخدام التكنولوجيا , ودول أقتصادها قايم على التكنولوجيا زي أمريكا , تيجي تمنع تكنولوجيا , وحجتك الأمن , والحقيقة ان العالم كله في فيبر وواتس , فلو مش قادر تسيطر على أمنك , يبقى انت عندك مشكلة في جهاز المخابرات المركزي , مش المشكلة في الفيبر والواتس
#أنقذوا_الأنترنت