#الجزء_الثاني💙
#اليوم_أهلي_ماتوا_بحادث💔
،فجأة بيجي عمي وهوا بزغرط وبحكيلي مبروك انجحتي 🙈
الحمد الله بعد تعب ومعاناة اتخرجت من المدرسة بمعدل 90% ،ما كان حدا متوقع أجيب هيك معدل مع الظروف إلي مريت فيها حتى أنا ما كنت متوقعة !
بس بفضل ربي جبت هيك معدل ،ضليت أشكر ربي وصرت أعيط من الفرحة ،عمي أجى حضني وحكالي مبروك ي بنتي رفعتي راسي وراس أهلك ،أهلك صح مو معنا هلا لكن هما شايفين بنتهم ومبسوطين فيكي ،ي الله ما أحلآ شعور النجاح 😭💙
الكل أجى وصاروا يباركولي ،مرت عمي اجت وحكتلي مبروك نجحتي على حسابنا ،اطلعت فيها وحكتلها آه والله كلو بسببكم شكرآ 😊ما بعرف لي كانت تحقد عليآ أنا وأخي لكن مع ذلك بضل إلها فضل كبير علينا 💔
بعد مرور عدة أيام أجى وقت التسجيل للجآمعة ،مرت عمي راحت لعمي وحكتله "حكيت بدك تخليها تكمل مدرسة وافقت وخسرنا فلوس كثير إما هلا بدك تعلمها بالجامعة ما في فلوس زيآدة مشان هيك الأفضل أنه نجوزها وخلص بنتريح منها وبنستر عليها " عمي عصب على مرته وحكالها "رح أخليها تكمل تعليمها وتتدرس طب كمان " وطبعا لآزم كل مرة يتقاتلوا بسببي 😔💔حكيت لعمي خلص ما بدي أكمل جآمعة أنا هيك مبسوطة 💔مع أني كنت حابة أكمل وأدرس طب وأحقق حلم أهلي 💔حكالي لا رح تكملي ورح أشوفك دكتورة إنشاء الله،كان عمي السند الوحيد إلنآ ،كان يدعمني كثير ويوقف جنبي بكلشي وما يتخلى عني ،وحاول قدر الإمكان يسعدنآ 💙
بعد كم يوم اجتني رسالة أنو طلعتلي منحة أني أكمل دراستي في مصر ،يا الله قديش كنت فرحانة رحت حكيت لعمي ،عمي فرح كثير وحكالي بكل مرة أنتي بتخليني أفتخر فيكي أكثر ،جهزت غراضي وكلشي، ودعت عمي ومرت عمي وحكتلها "أرضي عني مشان أتوفق بدراستي "💙ودعت أخويا الصغير ما تحملت قصة أني أبعد عنه لأني ولا مرة بعدتت عنه، بكل الأوقات كنت جنبه 😪💔وحكتله "انتبه على حالك وعلى دار عمي وعلى دراستك وكون دايما متفوق" بعدين طلعت وأنا بعيط ما تحملت فكرة أني أبعد عن البيت إلي قضيت كل حياتي فيه تقريبا، بعد مرور عدة أيام وصلت مصر الحمد الله وكملت دراستي ودرست طب مشان أحقق حلم أهلي كان الإشي بداية صعب بس الحمد الله من توفيق من ربنا قدرت أواجه كل الصعوبات والمشاكل ،بعد مرور 6 سنوات اتخرجت من الجامعة الحمد الله بمعدل إمتياز ،اتصلت على عمي وخبرته وطبعا انبسط كثير ،رجعت على البيت بعد فترة طويلة يا الله محلاه الشعور 😭💙،حسيت كلشي متغير ،حتى أخي الصغير لقيتو كبران 😁بعد مرور شهر وأخيرآ لقيت شغل امنيح والراتب كان امنيح ،ومرت عمي رضيت عني وصارت تفهمني ومعاملتها معنا صارت منيحة 💙 كان أول راتب إلي أعطتيو لعمي وحكتله خذه بالبداية ما وافق بس أنا اصريت عليه ،وصرت أصرف على البيت ،حسيت حالي أني صرت قادرة أتحمل مسؤولية البيت بدل من عمي وأحاول أريح عمي شوي ، ،وحققت حلم أهلي وصرت دكتورة وهلا أهلي مرتاحين بقبرهم ،وهلا بعد ما أنجزت كلشي وحققت حلمي صرت أسعد حدا بالدنيا وبشكر ربي كثير 🙈💚
#الملخص أنه ما تستسلم أبدا ضلك حاول مرة مرتين ثلاثة وبالاخر رح تزبط معك ،وما تخلي حدا يأثر عليك وما تتضعف أبدا وتمسك بحلمك لآخر نفس بحياتك ،وخليك دايما متفآئل وقوي لأنو التفاؤل والقوة من أساس الحياة ، لأنو بالآخر أنت رح تصنع سعادتك بنفسك ورح تكون أكثر حدا ناجح ومتفخر بنفسك 💙💪
#خلصت_الحكآية
#قصة_خيآل
#خربشآت_أسيل💙
ي 😍💪
