#الجزء_الأول💙
#اليوم_أهلي_ماتوا_بحادث💔
بتعرفوا شو يعني ؟يعني أنا خلص انتهيت ،صرت جسد بدون روح ،صرت يتيمة ،صرت بنت وحيدة م عندها أهل ،سندي إلي كان بالحياة أمي وأبي راحوا وسبوني لحالي 💔
مصدر قوتي وتفآؤلي بالعالم راحواا لبعيييد ،تركونآ أنا وأخي الصغير لحالنا عم بنواجه الموت ألف مرة 😪 كان دايمآ أخي الصغير يسألني وين ماما وبابا ؟ متى رح يرجعوا اتصلي عليهم وخبريهم أني اشتقتلهم كثير 💔كل ما أسمع أخي هيك بحكيلي ما بعرف شو بدي اجاوبه ! بضل أعيط وبس وهوا بضل يسألني ،يا الله شو ذنب هالصغير ليتحمل كل هادا !
كنت أقله ماما وبابا هيهم في الجنة ، بضل يعيط ويحكيلي "بدي شوفهم اشتقتلهم كثير "
وضل يكرر هالكلام أنا فقدت أعصابي وبهدلته وحكتله "خلص ماما وبابا راحوا وتركونا وما رح يرجعوا افهم بكفي "من أول م سمع كلامي صار يعيط ويصرخ ويحكي "لا ماما وبابا رح يرجعوا " وراح على غرفتو وسكر الباب على حاله وضل يبكي 😔💔
عمي أجى عنا ع البيت وحكى" أنتو كيف رح تقدروا تعيشوا بالبيت هادا لحالكم" ! طلب منا أنو نيجي نسكن عندهم ، وافقت أنا ورتبت كل أغراضي وأغراض أخي ،ورحنا مع عمي على بيتهم ،من أول ما دخلنا البيت مرت عمي صار تتطلع علينا بنظرات غريبة كأنه ما كان عاجبها أنو احنا نيجي نسكن عندها ،بعدين رتبنا غراضنا في غرفتنآ إلي أعطونا إياها ،كل الوقت كانت مرت عمي تتطلع علينا أنا وأخي كأنها كانت بدها تتخلص منا ،مع مرور عدة أيام وصلتني رسالة من المدرسة أني أجي ع المدرسة وأكمل تعليمي ،أنا كنت مترددة لأنو ما في عنا مصروف بكفي أني أروح على المدرسة ،وأنا ما بدي أكون عبء على دار عمي ،اجا عمي شافني مدايقة سألني شو فيه ؟ حكتله عن مضمون الرسالة ،حكالي آه وليش مدآيقة ،من بكرة بتروحي على المدرسة وترجعي تداومي مثل قبل عشان تحققي أمنية أهلك ،لأنو كان أبوكي حلمه أنه يعلمك ويشوفك دكتورة ،بس حكتله ي عمي والمصروف أنا ما بدي أكون عبء على حدا ،اطلع فيني وحكالي ي هبلة أنتي مثل بنتي والبيت هادا بيتك ،ما بنكر أبدا أنو عمي كان يحاول يسعدنا أنا وأخي وكان يحاول قدر الإمكان يعبي فراغ أهلي 💔من أول ما مرت عمي سمعت أني رح أكمل دراستي راحت لعمي وصارت تزعق وتحكيله "احنا ناقصنا كمان مصاريف بكفي المصروف ي دوب يكفينا وجاي بتحكي بدها تكمل تعليمها" بكفي باكلوا وبشربو عنا ببلاش مش مكفيهم الاشي هاد
كل يوم كانت هيك تحكي ،خلص قررت أنا ما أكمل تعليمي لأني مش رح أسامح حالي إزا كنت سبب في خلق المشاكل بينهم ،بس عمي كان مصر أني أكمل تعليمي مشان أحقق حلم أبويا ،بديت دراسة صح كان صعب عليا الموضوع لأني كنت اشتغل بالبيت وانتبه على أخي وبنفس الوقت كنت أدرس وكان رايح عليا كثير دروس بس الحمد الله قدرت أمشي حالي ،كان الكل في المدرسة يزعقوني اليتيمة ويضلوا يتسمخروا عليا كنت يا الله كنت أبكي كثير ،بس الاشي هادا صار من ضمن روتيني اليومي ،حاولت أتأقلم مع الوضع من جهة مرت عمي بتضل تسمعني كلام على طالع والنازل ومن جهة بنات مدرستنا بضلهم يتمسخروا عليا لأني يتيمة 💔ومن جهة أخي الصغير بضل يسألني عن بابا وماما ،اجى موعد الامتحانات النهائية، طبيعي كل طالب توجيهي يكون متوتر وخايف،الحمد الله قدمت كل الامتحانات وخلصت ، بعد مرور شهر حكوا اليوم النتائج ،كنت خايفة أني ما أنجح وأرسب ،فجأة بيجي عمي ...............
#قصة_خيآل
#خربشآت_أسيل💙
#انتظروا_الجزء_الثاني
