#الجزء_الثاني
"اجت أمك تصحيني من النوم الصبح كنت تعبانة وحكتلها ثواني ورح أقوم لهي بدت تحكي عني وتغلط وتسب على أهلي أنا طبعاً ما تحملت قمت وحكتلها ما تغلطي على أهلي قامت ضربتني وحاولت أنقذ حالي منها لكن ما قدرت صدقني هاي كل القصة "
أخذت أفكر بس هاي القصة ؟! لكن القصة ما بتستاهل أنه أمي تضرب زوجتي ، حكتلها متأكدة بس هيك ؟ بتكزبي عليا ليكون!
حلفت بالله أنها ما كزبت ولا بكلمة وأنها دائماً كانت تحاول ترضي أمي لكن أمي كانت تكرهها وتخلق إلها المشاكل ...
مرّ ٦ شهور واحنا على الحال هذا ، البيت مش إلنا ، الأم مش موجودة ...😓
من ست شهور وأنا ما سمعت شي عن أمي ، ما بخبي عليكم كنت كثير خايف عليها ، الليلة الماضية حلمت بكابوس فيها ، ومن وقت ما حلمت بالكابوس هادا بطلت أعرف انام وخوفي كل ثانية بزيد
قررت أروح على البيت أشوف أمي وأطمن عليها ، طبعاً طلعت بدون ما أحكي لزوجتي لأني مش ناقص كلامها
رحت على البيت وضليت أدق على الباب ما حدا رد !
شفت جاري أبو سمير بالصدفة بحكيلي" وييين ما بتبين "وأخذنا بعض بالأحضان ، سألته وينها أمي ؟ ما حدا راضي يرد !
حكالي البيت مقفول إله ثلاث أشهر ، أمك إلها من ثلاث أشهر مختفية ، هيا مو عندك ؟ فكرناها عندك والله!
بدت الأفكار السلبية تتراكم أمامي ، حكتله "له ي زلمة بتمزح صح ؟ لحتى الآن ما تغيرت بتضلك تمزح بكل مرة احكي وين امي "؟!
اطلع فيني وحكالي" ما بمزح والله بحكي جد امك مش مبينة "
صمتت لمدة دقيقتين وحكتله طيب شكرا ...
مشيت بالشارع وأنا ايدي على قلبي والتساؤلات بكل مكان
وين أمي ؟؟ وين راحت ؟ كيف مختفية ؟ معقول صار الها شي ؟
لااا مستحيل اكيد هيا في مكان ما
وبديت أدور على أمي ليل ونهار من البيت هادا للبيت هادا ، اتصلت على كل الناس الي بنعرفهم لكن ما كان حدا بعرف وينها امي
قضيت طول الوقت أدور على امي مثل المجنون وأصرخ بالشارع
وينك يا أمي ؟ كيف بتقدري تتركيني هيك لحالي وتروحي 😭
رجعت على البيت مثل الرجل إلي راجع من جنازة ابنه الوحيد 💔
لقيت زوجتي صاحية من أول م دخلت صارت تحكيلي "يا هلا والله بأبو الشباب ما عنده زوجة يسأل عنها إلك من الصبح طالع وين كنت وما بترد على اتصالاتي قلقت عليك ما بتهتم فيني "
فقدت أعصابي وبديت أصرخ عليها وحكتلها " بس خلص بسببك أمي راحت ومش لاقيها كان مفروض ما أرد عليكي امي إلها فترة مختفية ما بعرف وين أراضيها كله بسببك أنتي ، إزا بس ما لقيت امي رح يصير اشي مش امنيح انتبهي منيح " طلعت فيني زوجتي بنظرة حقارة وحكتلي " نعم نعم شو جاب سيرة امك هلقيت ؟! تروح وين ما بدها شو بدنا فيها تصطفل "
كنت شوي وبدي ..
#انتظروا_الجزء_الثالث
