#الجزء_الأول ❤ 

مضى على زواجي سنتين ، وكل يوم مشاكل مع أمي وزوجتي 

كل مرة بحكي مع الوقت والأيام القلوب بتتصافى وبتصالحوا لكن 

كل يوم علاقتهم بتزيد سوء ، ليل نهار مشاكل وصراخ ، على أبسط الشغلات بعملوا مشكلة كبيرة ، سار كل همي وانشغلاتي كيف أصلح بينهم وأنهي على كل المشاكل .

في يوم من الايام كنت مروح من شغلي ، وانا بالشارع سمعت في أصوات عالية طالعة من بيتنا ، حكيت" معقول من أمي وزوجتي" ؟!

لا ما بظن مش لهدرجة بطلعوا صوتهم عالي وبفضحونا قدام الناس

دخلت البيت وبلاقي أمي بتضرب بزوجتي ،وزوجتي بتصرخ "انقذوني انقذوني "، أنا فقدت أعصابي تماماً بدون تفكير مسكت امي ودفعتها وضربتها كف وحاولت أبعدها عن زوجتي ، كانت زوجتي تعيط وحالتها يُرثى لها، بدون وعي حكيت" ما إلنا قعدة بالبيت هادا وم في أي علاقة بتربطنا بالبيت هذا ، انا تعبت من كلشي ومن الإهانات إلي بتحصل بالبيت ، إزا م في احترام لزوجتي إذن ما في قعدة في البيت يلا ..."، أمي طلعت فيني بنظرة خيبة كأنها بتحكيلي " هي اخر تريبتي فيك تضرب أمك وتقطع علاقتك فيها!" 😪💔

ضبينا غراضنا وكلشي ، كنت بس بستنى أمي تحكي كلمة أو تحاول تمنعنا ، ما بعرف كيف أنا هيك تصرفت بتهور وبدون تفكير ، لكن أمي ضلتها ساكتة كأنها في حالة غيبوبة ، صحيح ما كانت تحكي ولا كلمة لكن عيونها فضحوها وكان مبين عليها علامات الحزن والقهر والوجع ، ما كان عندي حل غير أني أترك البيت وأكون قد كلامي ، طلعنا انا وزوجتي ، كان عندي رفيق إله بيت فاضي اتصلت عليه وخبرته أني پدي أسكن ببيته لحين ألاقي بيت ، وافق وأعطاني البيت وعشنا فيه أنا وزوجتي 

في الليل دوامة الأفكار والأرق بدأت شغلها ، قعدت أفكر كيف انا اتصرفت هيك مع أمي ؟! كيف اخذت قرار مثل هيك بدون ما أعرف السبب ، هاي بتضل بالآخر أمي ، إلي ربتني وتعبت عليا ، إلي تحملتني وأنا صغير حتى بموت أبي ، إلي كافحت وضحت بحياتها مشاني ومشان تلبي كل طلباتي وما أحس بفراق الأب كيف بقدر أعمل هيك ، سألت زوجتي شو إلي حصل ؟ لي ضربتك أمي شو صار احكيلي كلشي بالتفصيل ولا تكزبي عليا

بدت تحكيلي القصة ...

#انتظروا_الجزء_الثاني💁

#خربشات_أسيل 💙

#أسيل_المقيد 🌸💕