حقيقة بعض الناس بعد العدوان علي طرابلس

فيه ناس تلاقينا معاهم في الحياة هذه منهم من أصبحوا أصدقاء وحتي خوت ومنهم اللي مر مرور عابرو منهم اللي مازلنا نتواصلوا معاه علي إستحياء بس الواحد مازال لليوم بتجيه كل شوية صدمة في واحد منهم بتوصلك لقناعة أنـه أمـا كان يرتدي في قناع أو تغيرت أراءه بدرجة أصبح يصعب عليك التعرف عليه..

ولكن تحية للناس اللي جروا بالناس الساذجة وداروا أرواحهم حيادين في بداية العدوان علي طرابلس و بعدين طلعوا كل العفن اللي جواهم بمرور الوقت و بدون ما نستفزوهم أو نطلبوا منهم أنهم يكونون رجال ويظهروا وجوههم الحقيقية تحية لهم لإخراجهم كل هذا المخزون من الحقد والكراهية طواعية ..

في ناس تقولك أنا مع الجيش ولا يعنيني شخص قائده لكن تلقي كل كلامه حفتر ودفاع عنه وفي ناس تقولك بس الانتخابات تجي أنا صوتي للمرشح المدني وهمامسخرين وقتهم كله للسخرية من الدولة المدنية و تمجيد العائلة الدكتاتورية نبي نقول لهؤلاء مني ومن نفس الأشخاص اللتي إنتمائهم مثل إنتمائي بشوية علي روحكم مرشح مدني لا يكون بوجود لواء متقاعد يدعي خليفة حفتر .

حفظ الله ليبيا مدنية حرة.