انتي بنت

(انا بكتب بالعامية علشان اقدر أوصل قصدي بطريقة احسن)

علشان انتي بنت،اكيد كل بنت سمعت الجملة دي كتير ، مينفعش تتصرفي كدة علشان انتي بنت مينفعش تتكلمي كدة علشان انتي بنت مينفعش تضحكي بصوت عالي كدة علشان انتي بنت الخ....و كأن كونك بنت ده حاجز بينك و بين حجات كتير نفسك تعمليها و المشكلة انها بتبقي احيانا حجات بسيطة مفهاش مشكلة لما تعمليها  بس لا مينفعش نخلي الكلمة دي حاجز مينفعش نتبرمج علي الافكار دي كونك بنت دي مش حاجة عيب لما بنت تشتم و حد يسمعها: عيب كدة تبقي بنت و بتشتمي بس لو ولد شتم غالبا بيبقي عادي و لما بتسألي ليه التعليق كان عليكي و مكنش عليه فغالبا الرد هيبقي (اصل هو ولد بس انتي بنت فعيب يعني) الشتيمة تصرف غلط سواء للبنت او الولد فلما ننصح ياريت نبقي بننصح الاتنين . كنت ماشية مرة في الشارع مع صحابي و كان في ولاد كانوا بيعاكسوا لما رديت عليهم و هزقتهم  لقيت رجل بيقولي بس يا بنت عيب كدة ال ضايقني انه كان شايف ال حصل و علق علي رد فعلي بس و مقالش للولاد حاجة !!! (ياريتو فضل ساكت)