صينية سمك سردين

صينية سردين في الفرن حارة

المقادير:

كيلو سردين

2 بصلة كبيرة جوليان

2 فلفل رومي أخضر شرايح

1 فلفل حامي (اختياري)

راس ثوم مهروسة حوالي 10 فصوص

1/2 م ص من كل من التالي

بابريكا /كاري  

كسبرة ناشفة

شطة (اختياري)

1/4 م ص كمون1/4 م ص فلفل اسود

2 عصير ليمونة

1.3/4 م ص ملح تقريبا وممكن يقل او يزيد

حسب الرغبة

الدريسنج

2 م ك زيت

2 م ك خل

2 عصير ليمونة

الطريقة:

نغسل السمك جيدا وبراحة لانه طري وممكن يتهري بسرعة ونصفية في مصفى

نهرس الثوم ونضيف له الملح والفلفل الاسود والبابريكا والكاري والكمون والكزبرة وعصير الليمون

نتبل السمك ونسيبه ساعة متبل

نفرك البصل برشة ملح وفلفل اسمر وندعكة بأيدينا ودي خطوة بتفرق في طعم البصل جدا

نجيب صينية ونرص البصل ونص الفلفل الرومي والحار ثم نرص السمك ونضع فوقه بقية الفلفل

نقلب الدريسنج في طبق لحد ما يمتزج الزيت مع الخل والليمون

ونصبة فوق وش السمك وفي الفرن لمدة نص ساعة وبالهنا والشفا