خالد
16 سنه
بدأت من 2009 لما كنت ف اولي ابتدائي , طفل عادي ميعرفش الدنيا ولا يعرف الدنيا مخبياله ايه , الدنيا كانت عرفاه وبتقوله تعال بضهرك هتشوف كتير , سنه والتانيه والتالته 2012 تبدأ اللعنه تغيريات بسبب مشاكل ف التنفس والسنان بتتغير يشاء ربنا أن سنانه تطلع لقدام , 10 سنين ده السن الي المفروض اي طفل "طبيعي" بيكون دي وردة طفولته لاكن خالد كان غير , ابتدا صحابه يخافو منه محدش يطيقه , شبه حالة اكتئاب , مبكتبش واجبات كاره المدرسه ومش عايز اطلع من الاوضه , بعد سنه من نفس الروتين ابدأ ف مرحله العلاج تقويم متحرك بعدين عمليتين بعدين تقويم مستديم كل ده يقعد 3 سنين بقينا 2014اهو واخرها والدنيا بدأت تحلو هاا ؟ علاقاته تبدأ تتحسن يفكر يكلم اول بنت وحب ابتدائي والروتين الممل الطفولي بتاعنا كلنا ده يشاء ربنا الصدمه تيجي له من اقرب حد ليه وقتها ويبعدو عن بعض , يبدأ الاكتئاب الحقيقي يخبط بابه , يلازم الاوضه ويتعلم اول مبدأ ف حياته " الثقه ف الله , الثقه ف النفس , الثقه ف اهلك الي هم امك وابوك فقط لا غير" تبدأ الشخصيه تتكون , يتابع كل الناس , مين بيعمل ايه ؟ كل شخص مميز ب حاجه كل شخص الناس بتتوجهله لأجل شئ الدنيا اصلا قايمه ع المصلحه الشيوخ والعلماء واي شخصيه عظيمه , بيعملو خير طمعا في الجنه , هبدأ منين ؟ بدأت من الصفر اتعلم كذا حاجه كذا شخص بدأ يلجألي مع الوقت الشخصيه بتبدأ تتكون اكتر , مبأمنش غير لأبويا ف بسمع منه واشتري , قالي يبني محدش هيحبك قدي انا وامك محدش هيعوزك احسن منه غيرنا , حبيت نفسي بعيوبي , اقتنعت ان ربنا مبيكرهش حد , ربنا كبير اوي وكل دي كانت اختبارات منه بقيت اثق ف نفسي فشخ مبسمعش لحد غير لنفسي بقي عندي ايمان اني اقدر اوصل لأي حاجه بدماغي وبس , ابتديت اتعامل مع الناس واصاحب واخرج واهزر , مفيش يوم بيعدي منغير ما اتعلم حاجه جديده , الدنيا بتتعاش مره واحده , ف يا تعيشها صح يا حرام فيك العيشه , بتعامل مع النضيف والوسخ السالك والمنافق بقعد وبصاحب كبار وصغيرين الصيع والي الاحترام بيتعلم منهم , كل حد بيتعامل ب معاملته , قدرت ارد اول صدمه اضعاف اضعاف بالدماغ بس , حبيت اول بنت ف حياتي ومهما كان كل الي اتعلمته كان ولا حاجه قصاد الي الدنيا شيلاهولي , اتصدممت ف تاني بنت اكلمها كمان لأجل ان كان تفكيرنا طفولي والخ.. اتعلمت منها اتعامل مع البنات واكلم واعمل ومبادئ العلاقات عموما , كنا بنعلم بعض , بنكلم بعض بس القدر كان ليه رأي تاني , ع اي حال تاني صدمه دي كانت صدمه العمر بكل ما تحمله الكلمه من معني , اتغيرت , النرجسيه بدأت تزيد وتزيد الغرور وجنون العظمه , الناس العظيمه الي هناك دي احسن مني ف ايه ؟ لا فيهم ايد زياده ولا رجل زياده ولا طفرات جينيه او قدرات خارقه ! ابويا قالي احلم وصدق حلمك هتلاقيه اتحقق , جدي قالي متقولش هعمل قول عملت شيل ال ه واختصر الطريق , سمعت كلام الاتنين , مفيشش حلم حلمته الا ووصلت له , مهما اتكلم عن ابويا وجدي مش هوفي عنهم كلام , انا بقيت خالد الي انتو تعرفوه دلوقتي بعد عذاب سنين , دماغي بتبخ افكار , عندي ايمان اني اقدر اعمل اي حاجه وكل حاجه , عندي استعداد اعيش حياتي كامله منغير ما استعين ع حد ولا استني من حد حاجه , احنا اتولدنا ف بطون امهاتنا لوحدنا , وهننزل الارض ف اكفنا لوحدنا برضو , قريت كتب وقصص تاريخيه , قريت ف الدين , واتعلمت انجليزي كويس جدا , اتعلمت الاختلاف , اتعلمت مبصش تحت رجلي , اتعلمت مجيش ع حد , عشان لازم دايما اكون الجنب الحلو , مش هاجي ع حد عشان الدنيا جت علي كتير , مطلعش نقص الناس زمان , بنقص علي ناس دلوقتي مأذتنيش الي يجي علي اصبر وبدماغي اقدر لو وجعني قراط اوجعه 24 السنه الي فاتت بدأت خطتي للوصل للقمه , كل حاجه بقت تمشي زي ما انا حاسبلها بالظبط الباب الي يجيلي منه الريح بقفله برجلي , رجعت علاقتي كويسه مع اعز الناس لي , عديت علي مشاكل كتير وكلهم طلعت منهم بحكم محدش شافها ولا هيشوفها ف حياته , الناس شبه الكورة ميهدوش ويمشو معاك حلو غير لما تلعب بيهم لاكن لو وقفت مكانك بيها مش راضي لها الاهانه او انها تتوسخ من اللعب ووساخه الارض ممكن يجي اي كلب وياخدها منك ومش بعيد لو الكلب جعان يقطعها كمان , الكلاب دايما جعانه , اتعلمت كمان السنه دي أن الي ميدخلش دماغي ممكن يدخل رجلي , الملخص لكل ده:
كل واحد ليه يوم , ربنا كبير ومبيسيبش حد , الثقه ف النفس اهم من اي حاجه فالدنيا , الي الدنيا علمتهولي ف كام سنه يتعدو عالصوابع في ناس عاشت وماتت ومتعلمتش الكلام ده ولا نصه حتي وعن ثقه , انا مش مغرور , لاكن انا مش هتكرر تاني , عندي ايمان قوي جدا اني هوصل وهحفر اسمي دهب فالتاريخ , هغير العالم ومش هخلي العالم يغيرني مهما حصل , عمري ما هطلع من تجربه خسران ولا هزيمه ولا وانا متعلم منها , مش أي حد هيدخل وبيدخل دماغي والي بيدخل تبقي امه داعيه له , لو مبقتش رقم واحد ف انا مش عايز ابقي , مش بنسي حاجه لو وقفت جنبي ف مكانك ف قلبي , لو أذتني ف يوم هيجي اليوم الي هجيبك واخيرك فيه بيني وبين الموت اختار الموت , عشان هيكون ارحم مني 100 مليون مره .
اسمي خالد , احفظو الاسم كويس اوي عشان هتسمعه كتير السنين الي جايه, يتبع..
