انا فاكر لما جيت تقولي انك رايح علي هناك
انا كنت فاكر ان القصه كام ساعه و هكون معاك
لولا المشاغل و التعب انا كنت اكيد هاجي معاك
انا هنا و انت هناك .....
الوقت قرب يخلص و احنا كنا مغلوبين
يا حسرة علي كل اللي راحوا هيرجعوا زعلانين
و فجأة فوضي في الملعب و الناس بتهرب مزعورين
منظر غريب .....
الأمن واقف في المكان بس اكنه مش موجود
الناس بتموت .....
قلبي واجعني عليك يا صاحبي اول ما قالوا في ضحايا
انا كنت بتحرك يا صاحبي عشان اجيلك و الناس معايا
الوقت فات حبة ساعات
و القصه خلصت
خلصت خلاص
صاحبي و حبيبي راح يتفرج علي ماتش كورة
راجع في كفنك يا حبيبي و قلوبنا عليك مقهورة
في الجنة يا صديقي انت شهيد و مش هنساك
و مش هسامح يا صديقي اللي عملوا كدة معاك
مش هنساك يا صديقي و لا هنسي اللي كانوا معاك
#في_الجنة_يا_شهيد
