ياليل...
يابو الحبّيبة
دمعة عيوني قريبة
والقلب بات مفطور
ده حبيبي سابني شهور
ولا كلمة ولا مرسال
ولا اي شيء اتقال
وماليش نديم غيرك
..........................................
ياليل يابو الونس
صبري خلاص خلص
قلبي وجاله الخرس
من هجر سكانه
انا شوقي في مكانه
وهو اللي راح لبعيد
سافر وخدني معاه
خدني من نفسي
من روحي
من أُنسي
يا منايا
ياما نفسي
يتكحل النني
واتملي بعيونه
اتدواي بالنظرة
تسكن في وجداني
تربت علي كتفي
وتقولي انا لسه
لسه يا وليد قلبي
باقيه علي عهدي
هاتلي قوام راسك
ترتاح علي نهدي
احكيلي فضفضلي
ايه اللي كان تاعبك
بالذمة
مش عارفة
مكر الأحبة دلال
دانا
من يوم ما سيبتيني
خدتي معاكي الأنس
خدتي البراح من العين
وكله بقي واحد
ما بقتش غير صورتك
ما بقاش غير طيفك
نفسي مهيش نفسي
ولا دنيتي دنيا
ولا اهلي هم اهلي
من يوم ما سيبتيني
كله صبح واحد
كله بشبه واحد
دابت وشوش الناس
وبقيت تفاصيلك
.........................................................
يا ليل يا بو الاوهام
انا نفسي مرة انام
وما تجيش تزروني في حلم
حتي وانا صاحي
بالمح خطاويها
باتسمع لصوتها
باتشوف النظرة
سامحني يا صاحبي
سكرت مالفكرة
من شوقي للقاها
مالوهم مالتخاريف
والقلب داب مني
وماليش غيرك وليف
اشكي اليه حالي
.............................................................
يا ليل يابو الافراح
نور النهار فضاح
انت اللي كاتم السر
انت رفيق سهدي
وانت اللي باقيلي
