يقول تشارلز بوكوفسكي : " لا تستمر العلاقات الإنسانية بأي طريقه فقط أول أسبوعين يحتويان علي بعض الحيويه ثم يبدأ المشاركان في فقدان اهتمامهم ثم تسقط الأقنعه ويبدأ الناس الحقيقيون في الظهور . سيئو الطبع، الحمقي، المجانين ، الساديون القتله، والمنتقومون..

في الحقيقه لا يمكنك الأنفلات من حقيقه أن العلاقات مدمره، ايا كان مساماها ونسبه النجاح فيها ضئيله تعتمد علي الكثير من الحظ في بعض الأحيان . والكثير من المرونه والهدوء، ورغم ذلك ليس هناك روشته صريحه ولا دليل للنجاح بها، او كما يحبذ البشر البقاء فيها كأطول فتره ممكنه ..

ليه البشر بيتمنوا ده ، رغم ايمانهم التام بذوال كل شئ؟.

ده له اسباب كثير سيكولوجيه .. من وجهه نظري أعتقد اهمها في اوقات كتير، فقدان الشغف والتشتيت.. العلاقات مخدر قادر ينسيك قد ايه العالم قاتم وشديد الصعوبه، سواء العلاقات دي كانت عاطفيه او صداقه، لو حتي بدون مسمي واضح كلهم بيكونوا لغرض أنك تنسي لوقت معين قد ايه الحياه صعبه، زي ما بيقولوا.البشر بيحبوا الكومفرت زون/ منطقه الأمان الي بتريحهم افتقارهم لها في اي وقت شبيه جدا بفقدان المدمن لوسيله ادمانه ولك ان تتخيل حيحصل ايه بقي! العلاقات بتقوم بنفس الدور هنا

البشر بيحبوا العلاقات، لأنها بشكل ما بتطلع الأوريجنال كاركتر / اي شخصيتهم الحقيقه المدفونه حتي هما يمكن ميعرفوش عنها، ببساطه اكتر أقصد الخصل البشريه شديده الجمال وشديده السوء في آن واحد، انت بتحب انعكاسك في عين الي بيحبك.. ممكن بشكل ما تحب قسوته لأن قسوته حيطلع مقابل لها تسامحك.. ده بيت القصيد، البشر بيحبوا يشوفوا قد ايه هما جمال، ودي طبيعه بشريه زي حبك لكلمات الثناء، الموضوع مالهوش اي علاقه بحب البشر للأنخراط في المعاناه او المازوخيه ، 

١- ايه الغرض من العلاقه؟

طيب طلاما انت مكمل قرايه لغايه هنا، فأعتقد اني لازم اشكرك أنك بتشاركني حيرتي ودردشتي الي يمكن مضافتش لك حاجه.

اعتقد ده اول وأهم سؤال لازم تسأله لنفسك ولشريكك في العلاقه وربما يكون ده من اسباب استمرار العلاقه اكبر وقت ممكن

٢- العلاقه دي مريحه؟

ده اصعب سؤال في الدنيا ويمكن تكون شايفني ببالغ ، وسيبك من شعورك الوجداني ناحيه الشخص الي بيشاركك العلاقه، او قد اين هو متفهم اوقات وجميل اوقات تانيه والعالم بيطلع من راحتيه بلا بلا، هو شخص مريح؟ وايا كان اجابتك ولو نفترض ب "لا" أنه مش مريح اوقات، هل قادر تتأقلم علي ده؟ خليني اكون صريح معاك اكتر قادر تواجهه بكونه مش مريح وبتطلب منه ( طلب خفي ) انه يغير ده في نفسه، اجابتك عالأسئله  دي مع نفسك اعتقد ضروريه لقياس مدي نجاح العلاقه واحتماليه أنها تكون لأطول فتره ممكن زي ما بتتمني ياعزيزي..

٣- هل لازم العلاقه تكون بتقودك لقدام؟

لا، وده الفخ الي البشر متوقعينه دايما زي اغلب الأفلام أن علاقه تقومك وتصنع منك شخص ناجح، دعك من الأوهام ياعزيزي، واجابتي ب " لا" ليها اسباب كتير ممكن تكون انت بتعاني منها او شريكك في العلاقه، ممكن حتي انخراطكم في العلاقه من اسباب أن الطرفيين مش قادرين يساعدوا بعض واداركك لده مش عيب او حاجه حزينه، يكفي أن يكون الشخص بيقلل من حده معاناتك، حنكفر يا اخي؟

٤ - لازم الشخص يكون شبهي بنسبه؟

اه غالبا اه ، وبنسبه كبيره كمان ويا حبذا لو بيستخدم تعبيرات شبيهه لك في التعبير عن مشاعره وأفكاره، عارف انت فكرت فأيه لا مش لازم يكون نسخه منك او استنساخ لك ومالوش شخصيته المستقله بلا بلا بلا.. بس جزء تشابهه ليك لا وعيك بيقراه علطول وغالبا ده بيكون سبب إقامه العلاقه من البدايه، نادرا ما بتنجح علاقات بالعكس، ولو نجحت اتمني ياسيدي مين يكره يعني .؟

٥- خليك هادي

نقطه غريبه صح ؟ بس خليك هادي أغلب الأحيان وتقبل الأمر، تقبل الحاجات الي يمكن عمرك ما تقبلتها .. الخساره صعبه، هدوءك ممكن يجنبهالك علي الأقل لأطول فتره ممكنه هدوءك ومرونتك والي بيكون برضو نابع من اهتمامك بأستمراريه العلاقه، قادر انه ينعكس علي الشخص التاني، ويدركه وهنا ممكن يكون نقطه قوه او ضعف، علي حسب الشخص الي في حياتك .. العصبيه والكلمات الرنانه قادره تخسرك خساره مدويه مش حينفعك وقتها الندم للأسف، او الأعتذارات

.. في النهايه العلاقات صعبه ونسبه نجاحها بسيطه وللاسف هي مش رياضه ممكن تعمل كل حاجه ويكون مقدر لك السقوط، والخساره في حلين تتجنب الخساره من البدايه وده صعب، او تتصالح مع الخساره في النهايه و guess what ده اصعب.. اهدئ ياعزيزي متخافش مش حتموت