لحظة

كنت بستغرب كتير اوي من ناس لما فجأة ياخدو قرار مش ف وقته زي  انو يقرر يشوف أهله ف اللحظة دي  ف مقابل انو ممكن يخسر شغله او انها تقرر تسيب كل الل هي وصلتله وتروح تخرج خروجه عادية مع صحابها قصاد معاد مهم او انو مثلا يعمل حاجة مجنونة لمجرد انها طقت ف دماغه انو يعملها دلوقت مع انه ممكن الحاجه دي تقلل منه اوي او ان هي تضحي بكل حاجه ف حياتها ف مقابل بس انها تشم ريحة البحر الصبح بدري او انها تقعد قدام البحر وبس وتسيب حفلة تخرجها او ان هي تخسر أعز صجابها ف اكتر وقت هي كانت محتاجة حد معاها بس اكتشتفت ان الانسان بيفضل يعافر ويعافر وف كل معافرة منه فيه جزء بيتكسر من غير ما يحس بس هيجيله الوقت وهيحس فيه بألم كبير ألم اتراكم جواه من غير اصلا ما يحس بيه لحد ما هتيجي اللحظة ويقرر فيها انو ينسي كل حاجة وممكن تكون أهم حاجه ف الوقت الل قرر يسيب ويمشي ويسافر ويتخلي عن كل حاجه ف مقابل حتي لو عشر دقايق راحة قدام البحر اوقعدة مع صحابه او انو يشوف أهله او انها تسيب أعز صاحبتها كلنا محتاجين للحظة دي بس زي ما اللحظة دي بتكون حلوة اوي بتكون حلاوتها وحشة وماسخة علشان جت بعد ما فيه حاجات كتير اوي وقعت جواك