الكاتب / أحمد بلال
المقدمة
معظمنا كشباب بندور أكيد على حد يشغل تفكيرنا و نبقى طوال الوقت بنفكر فيه وبس حبيب يكون جنبنا فى مشورنا حتى لو كنت عشت قصه حب مؤقته أكيد حتطلع منها بدرس او حتستفيد منها فى علاقه لسه محدش ما بيطلش من قصه حب الا ومستفيد ..حتى لو مرت عليك ظروف صعبة....أحنا كفئة الرجال سعات بتمر علينا ظروف صعبه بس فئة النساء دايما بتتهمنا أننا السبب دايما فى فشل اى علاقه أننا مبنهتمش و ما نكديين و دايما عصبين بس الحقيقه اننا غير كده و انا هنا مش بهاجم الستات ولا حاجه بس احنا ليه النقص من عندنا دايما ؟؟ ليه دايما أحنا السبب؟؟ ولا الغريزة النسويه دايما اللى بتحكم.. هو احنا أكيد مش ملايكة وما بنغلطش بس برضوة فى تحميل عالراجل زايد عن للزوم انه دايما ..وهو ليه الراجل لازم دايما هو اللى بيدى مشاعر واهتمام ليه متبقاش العلاقه هات وخد يعنى تدينى اهتمام اديك اهتمام ناخد وندى كده بشكل ودى جميل..
الست الفرفوشه رزق
فاكرين رووقه الدور اللى قامت بيه الفنانه نورا فى فيلم العار ده بقى النموذج اللى بيدور عليه كل واحد عايش فى مصر بل قد تكون النموذج المثالى اللى بيدور عليه رجاله الخليج تمن..الست اللى ترصلك الحجر وتغلسك رجليك لما تيجى البيت ...اه احنا كرجاله محتاجين النموذج ده فى حياتنا "نموذج روقه" حيث الدلع والفرفشه ..مش بس كده لما يكون فيه حد تشكيله همك وما يملش ..حد يساعدك فى قراراتك .حد كده بيفهمك من نظره عنيك ..دايما الراجل فينا بيدور على الست الذكية ...اللى هى واخده بالها من جوزها وبيتها وشغلها ....مش بس ناجحة فى شغلك وبس ..الست الذكية اللى تعرف توفق ما بين بيتها وشغلها هو ده النموذج اللى بيدور علية اى راجل شرقى فى العالم العربي كله .
عاش سنجل ومات سنجل
دليلك الواضح والصريح لأكتشاف مواهبك السنجلويه
أزاى تعرف انك سنجل ...ازاى؟؟ هل تشعر بالوحده ؟؟ اه ويترى عجباك وحدتك ؟؟ أه بتسمع اغانى ؟؟ لا بتحن للجنس الاخر ؟؟ لا مبروووووك كسبت جايزة سنجل مدى الحياة ....بس كده ؟؟ اه اومال انت فاكر ايه ؟؟ لأ طبعا مش معنى انك سنجل انك معشتش قصه حب محدش بيختار انه يكون سنجل مدى الحياة يعنى أكيد مر بتجارب و تجارب قاسية أكيد عشان ياخد قرار صعب زى ده.. طب البنات لما بتتطلع من قصه حب بتقص شعرها الرجاله بقى بتعمل ايه بتقص شنابتها لا يا خفيف بتربى دقنها..وبنسمع اغانى حزينة كمان ..أكيد بتمر عالراجل لحظات اصعب من كده بس مش بيبان عليه زى انه يطلع من قصه حب فاشلة ..بس بعد شوية بتلاقيه رجع أقوووى من الأول و وبيكون اتعلم من الدرس وبكده نكون خلصنا
دمتم فى رعايه الله
