الفجر طالل بالدموع والحسرة

اتبعرت لمتنا وع الرصيف منكسرة

صبح الفقيد عناقيد ومتنطورة

  وأزاي هتيجي يا بكرة

تنزل دموعي وتسيل

كماء المطر السلسبيل

الطفل متمزع على الجدران

انفاس الشهيدة والشهيد

تعلى للسما تجلجل

مين دا اللى مات وأستعجل

مكانش فاضل في العمر مطرح؟!

مش يمكن بكرة الزرعة تطرح

تفرد وتطرح عود صلب شديد

الغارة نورت عتمة ليلنا المخيف

حرقت خيام الثكالي والايتام

جايز بكائيات العشق لها مطرح

ولا هنكتب شعر للتبكيت

جايز نوحد صفوفنا وسيوفنا

يمكن نفوت علي القبر بحروفنا

يمكن نعدي بالوطن

يمكن نموت فى أرض بور

فى يوم هواه منثور عطن

يا هلتري الصحبة تثور؟!

يا هلترى اللمة تعود

ماتوا الحبايب على الحدود

معدش فاضل وقت للحداد

مات الرضيع في لحظة الميلاد

مات الجدع على العهد

داق العسل والشهد

لحظة الاستشهاد

يا هلترى اللمة تعود؟!

ونحقق الحلم المعهود

هل علينا الحمام باكي

ايه اللي خلى العربي محني؟!

ايه اللى خلاه بايديه دابحنى؟!

يجوز بكرة نتلم لمة انس

يجوز بكرة نتهني بساعة ونس

وطل الفجر علينا بالدموع

ازاى يصير العربي شاكى

لكن ... يا هلترى اللمة تعود؟!

و نمزع الحدود

تشرق علينا الشمس

نمحى عذاب الأمس

وتتجمع الحشود