الليالي علمتني دروس من دروس

وعلمتني بـ ان الايام تسبيني سبيّ

وعلمتني بـ ان بعض المواقف حدّ موس

وعلمتني بـ اني اشوم حتى لو ابيّ

وعلمتني بـ ان الاول من ارقام الجلوس

هو هدف كل المطاليق من عود و صبيّ

وكشفت لي قصةٍ بين قوس و بين قوس

قصة اليمنى الكريمه وجيب الاجنبيّ

وكشفت لي كيف ضرس العقل جا فيه سوس

والطبيب اللي يعالج يبيّن و يختفيّ

رافع ً راسي و رجلي على الأفعى تدوس

مايعشيني بأمر ربي الا مخلبيّ

منهجي واضح و اصادم مع الاحداث روس

و شاعمٍ توّ المطاليق ناري بحطبيّ

مااتسمع مايردد من ضعاف النفوس

كل وجهٍ ينقل الهرج مظلم و يهبيّ

مااستعرت إدلال غيري و لا خنت الهجوس

شامخٍ راسي ولا اشكي على الناس تعبيّ

اتحمل عضة الوقت و اخصامي جلوس

و اتغيبى بعض الاحيان لو ماني غبيّ

واستفيد من التجارب و عالم فالطقوس

اعشق الهجن الاصايل وقنصي للظبيّ

وادري ان محمية الصدر تبغاها العسوس

لكن ان من دونها كل شمسٍ تغربيّ

اجتهد واطيب واخطي لو الخط معكوس

والخطا وارد واذا اخطيت انا ماني نبيّ