راني نحاول راني نعمل راني نقرا راني نجاهد في روحي بصح مكان واو موصلت لحتى نتيجة كنت حاب نصنع قصة نجاحي ونكتبا بصح مقدرتش هذي لي كتبهالي ربي . وش راك تهدر يا بنادم علابالي بلي هذي لكتبهالك ربي بصح لازملك تقاوم وتقرا وتزيد تزير روحك علابالي بلي نتا درت كامل مجهوداتك وهذا ما كتبلك ربي بصح لازم متستسلمش لازملك تحاول وطيح وتنوض تزيد طيح وتنوض لازملك تصنع نجاحك مش تقول راني حاب ننجح ونتا ماراك دير في والوا أقسم بالله أنا وحدة من الناس كانت حابة يكون عندها صوت زين وتسجل أنشودة بصوتها وشوفوا هذا الحلم راه فات عليه 5 سنين وضوكا راني حققتو كيفاه ؟ خطرشي مستسلمتش كان عندي صوت شباب بصح مكتشفتوش وكي دخلت للكشافة أول مرة هي لي قدرت تحققلي حلمي كانو يدورو يدير أنشودة تاع أفافاينوفا يقدموها في 1 نوفمبر وصدفة قدرت أني نسيي نجرب نغني وطلع صوتي شباب كان ذاك أول يوم كتشفت فيه صوتي ممبعد دارو فرقة وكنت فيها ممبعد رحنا سجلنا في ولايات الوطن ممعد ربحنا في مهرجان وطني وممبعد وش صرا متأمنوش قالولي سجلي أنشودة يا غزة يا حكايتي بصوتك مأمنتش مرة لولة ممبعد قعدو يحلفولي مقدرتش نرقد ذاك نهار كنت ميتة بالفرحة عبالي بلي جامي سمعتو بهاذي أنشودة خطرشي كتبناها حنا ودرن ألحانها المهم نرجعوا للموضوع قدرنت نسجلها وخرجت بزاف شابة وضوكا راني ندرب باش نولي نعزف بيانو وكمان صدقوا أو لا تصدقو حلمي تحقق حبيت نحكيلكم قصة نجاحي رغم أنو عمري صغيرة بزاف يعني 13 سنة قدرت نحقق نجاح كيماهاك مكنتش متوقعاتو أبدا علابيها راني جاية نحكيلك يا لي راك تسمع فيا متستسلمش حاول وحاول وحاول طيح ونوض وزيد طيح ونوض وممبعد توصل أنا راني نضمنلك هذا شد على ذي هدرة وديرها في مخك وحفضها مليح خطرشي تسحقها ممبعد أيا سلاااااااااام نشالله عجبتكم القصة هذي ههه علابالي يفهموها برك جزائريين بصح مضمون الحديث وهدرة هذي
 " لا تستسلم أبدا كلما سقطت يجب عليك النهوض من جديد ولا تتوقف عن المحاولة حتى تصل "
بقلمي