نوستالجيا

ارجع بالذاكرة حبة ... غمض عينيك ... فاكر صحيانك بدري ؟ طب فاكر ريحة الجو الصبح ؟ كنت بتنزل مدرستك وانت مش شايل غير هم مدرس ويوم طويل ... مرمطتك ف المدرسة ... وقفتك ف طابور الكانتين ... طب فاكر يوم التطعيم ؟ والعلامة اللي لسه ف دراعك ؟ طب فاكر حصة المكتبة ؟ مدرسة الرسم ؟ فاكر أحسن مدرسة عندنا ف المدرسة ؟ طب فاكر التدريب العملي ؟ فاكر رحلات المدرسة بتاعت حديقة الحيوان ؟ فاكر صورتك مع زمايلك ف الفصل ؟ فاكر زمايلك أصلا ؟ طب لسه بتسأل عليهم ؟ طب أول حب ف المدرسة ؟ ...أيوه الحب الأهطل ده ... طب فاكر لما بتروح وانت بترمي الشنطة من تُقلها ؟ طب فاكر العَلَم ؟ فاكر مسرحيات المدرسة ؟ فاكر حصص الألعاب ؟ طب فاكر فريق اليد بتاع البنات ؟ طب فراودة الكورة ؟ طب فراش المدرسة ؟ فاكر مكان فصلك طيب ؟ فاكر مين اللي كان بيقعد جنبك ف الفصل ؟

أنا فاكر ...
#خاطرة
#نوستالجيا