لجزء الأول: نيروز ساحره الجن 

أحب اعرفكم بنفسى انا ياسر شب منطوى كل علاقتي بالعالم الخارجي السوشيال ميديا معنديش أصحاب لأني مبحبش اختلط بحد وفيوم كنت بقلب في التليفون كالعاده ظهرلي ڨيديو بعنوان حقائق مرعبه عن عالم الجن دخلت واتفرجت شدتنى النوعيه دى من الڨيديوهات بدأت ابحث ومن ڨيديو ل ڨيديو ومن منتدى ل منتدى لحد ما وصلت لمنتدى مكتوب فيه أساسيات التحضير وكانت كالاتي شمعه احطها فى طبق معدن وفى مياه يوم 14 فى الشهر وأقرأ العزيمه وفعلاً جبت المطلوب وجرحت أيدي الشمال ونزلت الدم جوه الطبق وقولت العزيمه هليل هروع طالب للخدوع اجب يا سيد الظلام فلتحضر بحق العهود السبع و الأرواح السبع بسم الملك برقان و الملك الغالب عليكم وأنه لقسم لو تعلمون عظيم ومره وحده الميه إلى كانت فى الطبق لقيتها بتغلي و خارج منها بخار ريحته وحشه اوى وظهر مره وحده حاجه زى ضل او طيف ملوش ملامح بدأ يلف أركان الأوضة لحد ما وقف قدامى وطفي الشمعه

انا: مين مين انت متاذنيش متاذنيش

متخفش يا ياسر مش هأذيك طول ما انت مطيع مش هأذيك نفذ كل شروطي و هفتحلك أبواب النعيم

انا: انت مين و شروط إيه إلى انفذها

نيروز نيروز ساحره الجن وشروطي أوامر هتعرفها و تنفذها فى وقتها

انا: إيه إلى عملته فنفسي ده معقوله لا لا انا أكيد بيتهيألي أكيد ده مش طبيعى

دخلت على النت وبحثت عن نيروز ساحره الجن ومزهرليش أي معلومه عنها قولت أكيد دى كانت تهيئات

بس لما دخلت عشان انام حلمت إني فى مكان زى الحديقه بس الزرع ميت و ورق الشجر جاف و قدامى وحده لبسه فستان اسود وشعرها أحمر وشكلها مش مرعب ولا حاجه بالعكس كانت ملامحها كويسه مسكت ورقه شجر ولفتها بقماشه وكتبت عليها زوران و لفتها بقماشه تانيه ولفت عليها خيط وقربت منى حطتها فى جيبى

نيروز: تروح بليل المكان اللي هوديك فيه وتعمل إلى اقولك عليه يا ياسر وليك مكافئه كبيره

انا: اروح فين و أعمل إيه أنا مش هعمل حاجه

نيروز: تبقا خنت العهد وإلى يخون العهد ملعون

ومره وحده حطت ايديها على صدرى حسيت بنار نار جوايا

انا: مش عارف اخد نفسى هموت هموووووووت

نيروز: الموت جزاء الخيانه الموت جزاء الخيانه

صحيت من النوم باخد نفسى بالعافية و لقيت فى جيبى نفس القماشه إلى كانت فى الحلم قمت وقفت فى البلكونه فضلت افكر مسكت القماشه ورميتها من البلكونه مره وحده لقيت جسمى بيميل من على صور البلكونه قربت أقع

انا: لا لا كفايه كفايه ابوس ايديك

نيروز: جزاء الخيانه الموت يا ياسر جزاء الخيانه الموت انا: خلاص هعمل إلى انتى عاوزاه خلاص هقع

اترفعت من على الصور و رجعت جوه البلكونه ببص على الطرابيزه لقيت القماشه إلى حدفتها من البلكونه مفيش قدامى غير إني أنفذ طلبها وفعلاً جه الليل أخدت القماشه ونزلت وبدأت أمشي بحركه لا اراديه لحد ما وصلت قدام المقابر أو الترب زى ما بنقول ومره وحده همست فودني و قالت كاظم نادى على كاظم

وفعلاً خبطت وبدأت انادي فتحلي واحد لابس جلابيه وطاقيه و ماسك عصايه اول ماشفني ابتسم وقالى

كاظم: أهلا بالخادم الجديد تعاله ورايا

ودخل وانا دخلت وراه لحد ما وصلنا عند قبر معين

كاظم: بس هوده القبر إلى يلزمك أنا هستناك بره و نصيحه منى لو منفزتش هتدفن فنفس القبر

وسبني ومشى

نيروز: انزل القبر

انا: إيه مستحيل انا لو نزلت ممكن اموت

نيروز: ممكن بس الأكيد إنك لو منزلتش هتموت انزل

انا: حاضر

نزلت القبر لقيت اربع حفر 

نيروز: الحفره التالته احفر 

انا: حاضر حاضر سامحني يارب والله غصب عنى 

حفرت وطلعت جثه جثه سليمه مش متحلله واضح إنها لسه مدفونه جديد 

انا: أعمل إيه دلوقتى 

نيروز: حط العمل فى بقها 

انا: لا لا مش ممكن اعمل كده حرام عليكي 

نيروز: حط العمل في بقها والا هتدفن جمبها 

وفعلاً حطيت العمل فى بقها 

نيروز: بس كده رجعها مكانها شفت المهمه سهله إزاي 

رجعتها مكانها و خرجت من القبر لقيت كاظم 

كاظم: اتأخرت كده ليه قلبك خفيف اوى معلش اول مره بتبقا صعبه 

انا: انتو بتعملو كده ليه حرام عليكم 

كاظم: هههههههه استنا لحد ما تروح أكيد هتغير رأيك 

ومره واحده شفت اطياف أطياف كتير بتتجمع حوالينا وصوت صرخات صرخات عاليه 

كاظم: هيا وصلت الجرأه بيكم إنكم توصلو لحد هنا 

احضروا احضروا من حضر ليس منا من حضر ليس منا 

بصلى و قالى اهرب انتا بسرعه 

سيبته وجريت جريت وحاسس بحد بيجري ورايا وانا بجري وقعت لفيت وشى لقيت بنت قصيره وباين عليها ملامح الغضب بس مجدبش عليكم كانت حلوه اوى 

قالتلى انت إللي ضرتني انت إللي اذيتني أنا هقتلك 

نيروز ظهرت مره واحده و وقفت قدامها 

نيروز: متقدريش تأذي ده فى حمايتى 

لا هاذي و هاذيكى انا زوران بنت الملك القاسم 

نيروز: و أنا نيروز ساحره الجن 

وطلعت سيف أيوه سيف ليه مقبض دهبي مكتوب عليه كلام غريب و برضه زوران طلعت سيف شبيه ليه 

انا: طب انا أعمل إيه دلوقتى أشجع مين 

نيروز: أخرس تعالى لقدرك يا زوران 

زوران: ليكى شرف الموت على أيدي 

وبدأت المبارزه نيروز ضربت زوران ضربه قويه 

زوران: انتصرتي دلوقتى يا نيروز بس مش هتنتصري المره الجايه 

واختفت زوران 

نيروز: ههههه جبانه وأنت روح على البيت 

روحت روحت وانا حاسس إني عايش في فيلم 

ولما دخلت البيت ظهرتلي نيروز 

نيروز: إزيك يا ياسر 

انا: مش بخير طول مانتي معايا 

نيروز: ليه بس ده انا حتى حبيتك 

انا: انتى مش خدتي إلى عايزاه سيبيني فحالي بقا 

نيروز: على فكره انا مش شريره 

انا: بعد كل ده وتقوليلي مش شريره 

نيروز: انا وقبيلتي لازم نعمل كده عشان نعيش زوران وقبيلتها عايزين يقضو علينا لازم نموتهم قبل ما يموتونا 

انا: طب وانا مالى انا إنسان مسالم عمرى ما اتدخلت فى مشاكل الإنس هتدخل فى مشاكل الجن 

نيروز: طب ادخل اوضتك 

دخلت اوضتي لقيت فلوس فلوس فكل حته الفلوس مليه الاوضه 

انا: إيه ده كل دى فلوس ياسعدك يا هناك يا ياسر 

نيروز: و لسه يا ياسر لسه هتاخد أكتر انا إلى هفتحلك أبواب الخير و النعيم 

انا: انا مصدقك مصدقك يا نيروز وهفضل معاكى و هنفذ اوامرك على طول 

نيروز: هتنفذ اوامري كلها 

انا: طبعاً إلى تؤمري بيه 

نيروز قربت منى وحطت ايدها على شعرى 

انا: إيه ده هو اللي انا بفكر فيه صح 

نيروز: أيوه يا ياسر انت دلوقتى معاك كنوز الدنيا ومعاك أجمل ملوك الجن و أجمل وحده فى الكون 

انا: ايوه بس بس 

نيروز: شششش تعاله تعاله يا حبيبى.     يتبع........