عايشه فى وسط ناس بس عايشه لوحدى

انعدم الاحساس والكل كان موطى

خاضع لمداس ويقول مين قدى

والله بضحك من غلبى واقول ايام وتعدى

لكن شكلها هتطول لحد ما يفيض بى

النفاق والغش بقوا عاده

وقطع صله الرحم بقت بزياده

وتقولوا فين البركه قول حاجه يا عم عباده

محدش سأل نفسه إحنا ليه بقينا ف غابه

الجواب سهل وبسيط لان ف وسطينا ديابه

بتاكل وتنهش وتزيط على قوت ناس غلابه

واحنا لا حول ولا قوه راضين وواخدينها ببساطه 

بس على فين رايحين،،،ما تقول يا عم عباده