‫ㅤ ㅤ‬

‫يا راكب اللي قبل ما تنوي الانطلاق‬

‫تاخذ لها دورتين . . و ترخي متونها‬

‫ماكنها الا قطاةٍ ٍ يوم حرب العراق‬‫

جفل عليها الرصاص وحال من دونها‬

‫يوم اقلعت واستوت من تحت سبع ٍ طباق

ومن بين غـر السحايب تسحب ردونـها‬

شفتـك تلـوح علـى خيـط الغـروب الـدقـاق

تـودع ارضـي وشمسـك تصـفـي جفونـها‬

‫حسيت بالضيق فـي صـدري وبالاختناق

سـاعــه حـواسـيـد عـمري مايحسـدونـهـا‬

‫ماضعف من القلب لاهزه هـوى الإشتيـاق

لافـــاح صـــدره ونـفـسـه بـاح مكـنـونـهـا‬

‫عليك ياللـي عليـك اغلـى القصايـد تسـاق

ســوق الركـايـب ورا الـبــدوان وضعـونـهـا‬

‫هبـت هبوبـك وجالـك بالضلـوع اصطفاق

وميـلـت نفـسـي مـعـاك ومـالـت غصونـهـا‬

‫وتزبـرت روس وبلـك مـن صـدوق الحـقـاق

عـنــدي وكـل الـبـشــر يــمــي يخيـلـونـهـا‬

‫لاتحسبـنـي بأسـمـع فـيـك هـــرج الـنـفـاق

اللي يـعـقـدونـهـا . . و اللي يـحـلـونـهــا‬

‫ارتـــاح والـقـلــب بـيـتــك والـمـحـانـي رواق

ومكانـتـك لــو بغـوهـا صـعــب يصلـونـها

* محمد بن مريبد‬