☆

دايما فيه حاجات بتحصل ومش بيبقى ليها سبب زي مثلا اني احب شخص و مفيش اي سبب لحبي الشديد ليه غير ان ربنا عايز ده يحصل ، فيه حاجات لازم اعترف بيها وهي ان مش بقدر اتخلى عن حد او اخسر ناس بحبهم مهما حصل ، ارجوكي اطمئني انا والله عمري ما هتخلى عنك او هسيبك اقسم بالله عمري ما هعمل كده ، من اول ما حبيت كان كل هدفي هو اني اوصل للشخص اللي حبيته بطريقة سليمة و صحيحة و هو ان ربنا يجمعني بالشخص ده بالحلال مش من طريق غلط ، لكن انا بدأت احس ان الامور مش ماشية و فيه مشاكل كتير بتحصل بسبب كلام مش مفهوم ، فالأفضل ان كل واحد يبقى في حاله وانا هجتهد واعمل اللي اقدر عليه علشان اوصل لهدفي ، وأنتي لو شايفاني شخص مناسب انتظريني ، انا بصراحة مش عارف انتي عايزة ايه ، لكن انا عارف انا عايز ايه و ده اللي اعترفت لكي بيه و ردك كان محترم ، انا غلطت لما عاتبتك على ردك ، ردك سليم تماما وليكي كامل الحرية تماما في اختيارك ، مقدرش ألومك على ده ، انا مش زعلان على اللي حصل  و مش عارف انتي كنتي عايزة تمشي فعلا ولا بتهدديني بس انا فعلا تأثرت و كانت ايام صعبة جدا بالنسبة لي و خسرت كتير من وزني و مكنتش بقدر انام لاني كنت حاسس اني بخسر كل حاجة لاني ساعتها كنت بحاول اعمل كل اللي اقدر عليه و مش قادر اوصلك ده ، تقريبا من كذا سنة اول حاجة فكرت فيها هو اني لازم اتعلم حاجة بعيدة عن مجالي وانا بدرس علشان يكون عندي مصدر دخل بعد ما اتخرج لاني خايف ل مقدرش اوفر دخل من شغلي ، اتعملت فعلا لكن مقدرتش الاقي اي شغل لكن سبحان الله ربنا رزقني بشغل في مجالي ، اقسم بالله انا مكنش هدفي اي حاجة من كل المحاولات دي اني الاقي شغل أو اشتغل الا علشان اقدر اوصل للشخص اللي بحبه ، والحمد لله حاولت واجتهدي وربنا رضاني ، لكن انا دلوقتي مش بمتلك مكان علشان اكون فيه اسرة جديدة لكن ان شاء الله ربنا يكرمني و يرزقني زي ما فضلت ادور على شغل لغاية ما لقيت ، وكلمت اهلي عنك و قولتلهم كل حاجة اعرفها عنك و هما فهموني انهم مش جاهزين لخطوة زي دي بسبب ظروف مش ب ايدي لكن ان شاء الله اقدر اخد الخطوة دي فيما بعد، في نفس الوقت ده وانا بعمل كل اللي اقدر عليه حسيت فعلا انك عايزة تمشي من تصرفاتك وكلامك ، وانا مقدرتش اتحمل ده ، ف لقيت الحل اني لازم ابعد شوية و أقلل تعلقي الشديد و واحاول اهيئ نفسي انك ممكن تمشي في اي وقت ، وبدل ما اسيب الخوف يأكل في قلبي و القلق يسيطر على عقلي ، اجتهد و اعمل اللي اقدر عليه علشان اوصلك لان ده هدفي في الاول و الآخر مفيش قدامي حل تاني و اسيب الباقي على ربنا هو شايفني و عارف نيتي و يعلم ما في القلوب و الصدور ، واثق فيه ثقة تامة لاني عارف انه عمره ما يضيعني أبدا، كل اللي عليا السعي و الدعاء لكن النتيجة بتاعت ربنا سواء زي ما انا عايز او لا هو هيجبر بخاطري و هيعوضني خير علشان كده الأفضل أن كل واحد يبقى في حاله تماما و ملناش دعوة ببعض انا مش زعلان لكن انا مش عايز ارجع اعمل اللي كنت بعمله سواء اكتب او اتابع اي حاجة بتنشريها علشان ربنا يكرمني و يساعدني في اني اوصل لهدفي ، انا غايتي الوحيدة اني اوصل لهدفي بس ، علشان كده اتمنى ان دي اخر مرة اكتب فيها ، ابتسامتك اللي شفتها من كذا يوم لسه زي ما هي أجمل ابتسامة شفتها و انتي طول الوقت زي ما انا شايفك متغيرتيش ، ارجوكي اطمئني و سبيها لله ربنا موجود ، ومتقلقيش ومتزعليش نفسك ابدا و متخافيش ، الايام الجاية انتي بتحصدي ثمار تعبك طول السنين اللي فاتت ، لازم تكوني فخورة بنفسك انك عديتي بكل ده و سعيدة بالإنجاز اللي حققتيه وقدرتي تثبتي نفسك لأي حد شك في قدراتك او قلل منك و تخطيتي كل الصعوبات اللي مريتي بيها.